ئهمڕۆ مووچهی هێزهكانی حهفتاو ههشتا دابهشدهكرێت
دابەشکردنی مووچە بەردەوامە
وێستگه نیوز ـ ههستیار
دابهشكردنی مووچهی مانگی ئایاری ئهمساڵی فهرمانبهرانی ههرێمی كوردستان بهردهوامه و ئهمڕۆش هێزهكانی حهفتاو ههشتا مووچه وهردهگرن.
ئهمڕۆ دووشهممه 5ی ئابی 2019، ئهردهڵان محهمهد، بهڕێوهبهری گهنجینهی دووی سلێمانی به وێستگه نیوزی راگهیاند: له دوێنێوه دهست به دابهشكردنی مووچهی مانگی ئایاری مووچهخۆرانی ههرێمی كوردستان كراوه و وهزارهتی پێشمهرگهو لیواكان وهریان گرتووه.
وتیشی: "ئهمڕۆ دووشهممه 5ی ئابی 2019، مووچهی هێزهكانی حهفتاو ههشتای وهزارهتی پێشمهرگه دابهش دهكرێت".
دابهشكردنی مووچهی مانگی ئایار لهكاتێكدایه كه ئێستا مووچهخۆران له مانگی ئابدان، ئهم مووچهیهی دابهش دهكرێت بهبێ پاشهكهوت دهدرێت.
پێشتریش ئهحمهد حاجی رهشید، ئهندامی لیژنهی دارایی له ئهنجومهنی نوێنهرانی عیراق به وێستگه نیوزی راگهیاندبوو، كه بهغدا دابهشكرنی مووچهی مانگی ئابی پێشخستووهو دهستی به دابهشكردنی مووچه بهر لهجهژن كردووه.
ئهوهشی وتبوو: كه لهو چوارچێوهیهدا پێش جهژن مووچهی فهرمانبهرانی ههرێمیش رهوانه دهكرێت، بۆ ئهوهی له ههرێمیش فهرمانبهران بهرله جهژن مووچه وهربگرن.
حكومەتی هەرێمی كوردستان پێشتر رایگهیاندبوو، كه مانگانە 881 ملیار دیناری بۆ مووچە پێویستە لەو بڕە 453 ملیار دیناری حكومەتی عیراق و 378 ملیار دیناری وەزارەتی سامانە سرووشتییەكانی هەرێمی كوردستان دابینی دەكات، ئەوەی دیكەش لە داهاتی ناوخۆ دابین دەكرێت.
هــ. ر
AM:08:45:05/08/2019
ئهم بابهته 7832
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت