ناتالیا لەبارەی جلەکانی داوای لێبووردن دەکات
ناتالیا جاف
وێستگەنیوز-
ناتالیا جاف ئەو ژنەی دوێنێ لەسەر فەرشی سوری نمایشی فیلمی (09) زومی کامێرای رۆژنامەنوسانی بەلای خۆیدا ڕاکێشا پەیامێکی بڵاوکردەوە و رایگەیاند، "بە رێکەوت جلەکانم ئاوادەرچووە و داوای لێبوردن دەکەم"
ئەمڕۆ پێنجشەممە ناتالیا جاف خانمە مۆدێلی هەرێمی کوردستان لەپەیامێکدا رایگەیاندووە، " لە رۆژی نمایشی فیلمی 09 بە رێکەوت جلەکانم ئاوادەرچووە و داوای لێبوردن دەکەم، هیچ ئامادەکارییەکم بۆ هەڵبژاردنی جلەکانم نەکردبوو و مەبەستیشم سوکایەتی بە هیچ کەلتورێک نەبووە".
ده‌ركه‌وتنەکەی دوێنێی ناتالیا به‌جلوبه‌رگێكی نیمچه ڕووت قسه و باسی زۆری به‌دوای خۆیادا هێناوه، بەڵام ناتالیا به‌رده‌وام باسی لەوەکردوە پۆشینی جلوبه‌رگ له‌لای ئه‌و هیچ سنورێكی نییه، ناوبراو وه‌ك كچه مۆدێل و مه‌یكئه‌پ ئارتیست و بلۆگه‌ر ده‌ركه‌وتووه و كاری ڕیكلامیش ده‌كات.
به‌رده‌وام ستایلی جلوبه‌رگ و ده‌ركه‌وتنی ئه‌م خانمه بۆته جێگه‌ی باسی تۆڕه كۆمه‌ڵایه‌تیه‌كان و له دیمانه‌یه‌كدا له ماوه‌ی ڕابردوو ناتالیا باسی له‌وه كردوه كه به‌هۆی جلوبه‌رگه‌كه‌یه‌وه چه‌ندین كه‌س په‌یوه‌ندیان پێوه كردوه و ئێستا كه‌سێكی دیكه له‌جیاتی ئه‌و وه‌ڵامی ڕیكلامه‌كان ده‌داته‌وه و كاروباره‌كانی بۆ ڕێكده‌خات.
PM:10:03:04/03/2021
ئه‌م بابه‌ته 28560
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت