خۆپیشاندانه‌كانی فه‌ره‌نسا به‌رده‌وامن
دیمەنێک لە خۆپیشاندانەکانی فەرەنسا
وێستگه نیوز ـ
خۆپیشاندانەکانی خەڵکی فەرەنسا بەهۆی زیادکردنی نرخی سووتەمەنی بەردەوامە و تا دێت تووندوتیژی زیاتر بەخۆیانەوە دەبینن.
خۆپیشاندەران باڵەخانە، ئۆتۆمبێل دەسووتێنن و به‌رد دەگرنە پۆلیسەکان، پۆلیسیش بە گازی فرمێسکڕێژ، بەرد و هاوێژەری ئاو وەڵامیان دەداتەوە.
بەگوێرەی هه‌واڵه‌كان، تا ئێستا 110 کەس بریندارن کە 17 کەسیان لە هێزە ئەمنییەکانن، هەروەها 270 کەسیش دەستگیر کراون.
بەگوێرەی زانیارییەکانی وەزارەتی ناوخۆی فەرەنسا، 75 هەزار کەس لە سەرتاسەری فەرەنسا لە خۆپیشاندانەکان بەشدارن و تا ئێستاش شەش باڵەخانە سووتێنراون.
لە ماوەی یەک ساڵی رابردوو، نرخی بەنزین لە فەرەنسا بە رێژەی 23% بەرزبووەتەوە، واتە هەر لیترێک بەنزین بە یەک یۆرۆ و 51 سەنتە (زیاد لە دوو هەزاری دیناری عیراقی).
لای خۆیەوە ئیمانوێل ماکرۆن، سەرۆکی فەرەنسا، ئەو خۆپیشاندەرانەی توندتوتیژی بەکاردەهێنن بە گێرەشێوێن ناویان دەبات و دەڵێت ئەوان ئامانجیان دروستکردنی فەوازیە نەک گۆڕان.
دەشڵێت، "بەرزبوونەوەی نرخی بەنزین، سوودی بۆ پاراستنی ژینگە و کەمکردنەوەی کاریگەرییەکانی گەرم بوونی زەوی هەیە".
هــ. ر
AM:09:24:02/12/2018
ئه‌م بابه‌ته 1868
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت