شاندی هه‌رێمی كوردستان و عیراق كۆبونه‌وه‌یه‌كی دیكه‌یان سازكرد
وێستگه نیوزـ
دووباره شاندی هەرێمی کوردستان و عیراق لەبارەی ئاڵۆزییەکانی نێوانیان و دۆزینەوەی چارەسەرێک بۆ کێشەکانی نێوان هەولێر و بەغدا کۆبوونەوە.
بابەکر زێباری، سوپاسالاری پێشووی عیراق، راگەیاند"لەچوارچێوەی ئەو کۆبوونەوانەی لەنێوان هەولێر و بەغدا بەڕێوەچوون، رۆژی پێنجشەممە 2ی تشرینی دووه‌می 2017، شاندی هەرێمی کوردستان و عیراق بەمەبەستی چارەسەرکردنی ئەو دۆخەی دروستبووە لە موسڵ کۆبوونەوە. "
کۆبوونەوەكه لەکاتێکدایە کە لەماوەی رابردوو چەند کۆبوونەوەیەکی دیکە لە رۆژهەڵاتی موسڵ و چەند شوێنێکی دیکە لەنێوان شاندی هەرێمی کوردستان و شاندی عێراقی ئەنجامدراوە.
بەرەبەیانی 16ی ئۆکتۆبەری2017 سوپای عیراق و حەشدی شەعبی بە مەبەستی کۆنترۆڵکردنی کەرکوک و ناوچە کوردستانییەکانی دەرەوەی ئیدارەی هەرێمی کوردستان دەستیان بە پێشڕەوی کرد.
لە ئەنجامی ئه‌و پێشڕه‌وییه‌شدا لەنێوان پێشمەرگە و سوپای عیراق و حەشدی شەعبی لە چه‌ند ناوچه‌یه‌كی هه‌رێمی كوردستان شەڕ و پێکدادان روویدا.
PM:11:08:02/11/2017
ئه‌م بابه‌ته 7201
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت