رووسیا: لەگەڵ هەرێمی کوردستان پەرە بە پەیوەندییە ئابوورییەکانمان دەدەین
وێستگه نیوز- رووداو
وەزارەتی دەرەوەی رووسیا پلان و بەرنامەکانی لەگەڵ هەرێمی کوردستان بۆ داهاتوو ئاشکرا دەکات و رایدەگەیێنێ، مۆسکۆ لە پەرەپێدان بە پەیوەندییە ئابوورییەکانی لەگەڵ هەرێمی کوردستان بەردەوام دەبێت و لە داهاتوودا پەرەی زیاتریشیان پێدەدات.
میخایل بۆگدانۆڤ، جێگری وەزیری دەرەوەی رووسیا، رۆژی شەممە 7-10-2017 لە کۆنگرەیەکی رۆژنامەڤانیدا رایگەیاند، بە هەماهەنگی لەگەڵ بەرپرسان لە بەغدا، رووسیا لە پەیوەندییە ئابوورییەکانی لەگەڵ کوردستانی عێراق بەردەوام دەبێت.
میخایل سەبارەت بە پەیوەندییەکانیان لەماوەی رابردوودا لەگەڵ هەرێمی کوردستان گوتی: " پەیوەندیمان بەمجۆرە بووە و ئێستاش بەردەوامین، لە داهاتووشدا زیاتر پەرەی پێدەدەین."
ئهلكسهندهر نۆڤاك، وەزیری وزەی رووسیا رۆژی 30-6-2017 لە دەستپێکی هەفتەی وزە و گازی رووسیا باسی باشووری کوردستانی کرد و گوتی: "رووسیا له كاركردن لهگهڵ ههرێمی كوردستان بهردهوام دهبێت، کۆمپانیاکانی گازپرۆم و رۆسنهفتی رووسی له كوردستان لە کارکردن بەردەوامن و لە داهاتووشدا بەردەوام دهبن".
دواتر ئیگۆر ئیڤانۆڤیچ سێچین، سەرۆکی دەستەی جێبەجێکاری رۆسنەفت بە (رووداو)ی گوت: "داهاتووێکی گەش لەگەڵ کوردستان دەبینین و هیچ لایەنێکیش نابێتە کۆسپ بۆ کارەکانمان لە کوردستان، ئامادەکاری بۆ ئەوە دەکەین بەشێوەیەکی کرداری کارەکانمان دەستپێبکەین و پرۆژەکانمان بچنە بواری جێبەجێکردنەوە، کارەکانمان بەباشی بەڕێوەدەچن و هەموو شتێک بەپێی پلان و خشتەی دیاریکراو دەڕوات".
دوای ئەنجامدانی گشتپرسی لە 25-9-2017 داو سەرکەوتنی دەنگی بەڵێ بە رێژەی 92% بۆ جیابوونەوە لە عێراق، وەزارەتی دەرەوەی رووسیا رایگەیاند، وڵاتەکەی رێز لە خواستی نەتەوەی کورد دەگرێت، بەڵام پێشیوایە پێویستە کێشەکان بە گفتوگۆ چارەسەر بکرێن، نەک تاکلایەنە سەربەخۆیی رابگەیێندرێت.
PM:05:40:07/10/2017
ئهم بابهته 2800
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت