هه‌په‌گه: گه‌ریلاكانمان حه‌وت سه‌ربازی توركیایان كوشت
گەریلاکانی هەپەگە لە کاتی شەڕکردنیان لەگەڵ سوپای تورکیا
وێستگه نیوز ـ
ناوه‌ندی راگه‌یاندنی هه‌په‌گه رایگه‌یاند، گەریلاکانییان لە گەڤەر، شەمزینان، باگۆک و خارپێت، له چه‌ند چالاكیه‌كدا كه دژی سوپای تورکیا ئه‌نجامیاندا حەوت سەرباز و ئەندامی تیمی تایبەت کوژران.
ئەمڕۆ یه‌كشه‌ممه 27ی ئایاری 2018، ناوەندی راگەیاندنی هێزەکانی پاراستنی گەل- هەپەگە، لەبارەی چەند چالاکییەکی گەریلاکانییان راگەیەندراوێکی بڵاوکردەوە و وردەکارییەکانی ئاشکراکرد.
لە راگەیەندراوەکەدا ئاماژە به‌وه‌دراوه: "هێزەکانمان دوێنێ کاتژمێر 12:10 خولەکی شەو گەریلاکانمان لەدژی بارەگای سوپای تورک لە شەمزینانی سەربە جولەمێرگ چالاکییەکیان ئەنجامدا، ژمارەی کوژراو و بریندارەکانی سوپای تورک لەو چالاکییەدا نەزانرا، سوپای تورک پاش ئەو چالاکییە ئۆپەراسیۆنێکی لە ناوچەکەدا دەستپێکرد و شەڕێک لەنێوان گەریلاکانمان و سوپای تورک روویدا، لە ئەنجامدا سێ ئەندامی تیمە تایبەتەکانی سوپای تورکیا کوژران و هەشت ئەندامی دیکەیان برینداربوون، لەو شەڕەدا دوو لە هەڤاڵانی ئێمەش کە قارەمانانە شەڕیان کرد شەهدیبوون".
ناوه‌ندی راگه‌یاندنی هەپەگە راشیگەیاند: "نیوەشەوی رابردوو کاتژمێر 12:10 خولەک گەریلاکانی یەژاستار لەسەر گردی هارونی سەربە شەمزینان دوو چالاکییان ئەنجامدا، لەو چالاکییانەشدا دوو سەربازی سوپای تورکیا کوژران".
هەروەها، هاتووە: "25ی ئایاری 2018، کاتژمێر 2:30 خولەکی پاش نیوەڕۆ لە دەوروبەری گەڤەری سەربە جولەمێرگ چالاکییەکی دیکە ئەنجامدرا، لەو چالاکییەشدا سەربازێکی سوپای تورکیا کوژرا".
هەپەگە، ئاشکرایکردووه: "هه‌ر 25ی ئایار کاتژمێر 7:10 خولەکی ئێوارە لەسەر رێگای چەولیگ بۆ خارپێت چالاکییەک ئەنجامدرا، لەو چالاکییەدا گورزی سەخت لە پێگەکان و ئۆتۆمبێلە سەربازییەکانی سوپای تورک درا، ژمارەی کوژراو و بریندارەکانی سوپای تورک لەو چالاکییەدا نەزانرا".
لەکۆتایی راگەیەندراوەکەی هەپەگەدا هاتووە: "لە هەنگاوی شۆڕشگێڕانەی شەهید دەلال ئامەد و شەهید بەستادا، گەریلاکانمان 25ی ئایار کاتژمێر 6:00 ی پاشنیوەڕۆ لە دەوروبەری باگۆک چالاکییەکیان لەدژی سوپای تورک ئەنجامدا، لەو چالاکییەشدا سەربازێکی سوپای تورک کوژرا".
هــ. ر
PM:06:12:27/05/2018
ئه‌م بابه‌ته 1500
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت