ئه‌نجومه‌نی نوێنه‌رانی عیراق له‌سه‌ر چه‌ند پرسێك كۆده‌بێته‌وه
پەرلەمانی عیراق کۆدەبێتەوە
وێستگه نیوز ـ هه‌ستیار
ئه‌مڕۆ ئه‌نجومه‌نی نوێنه‌رانی عیراق بۆ تاووتوێكردنی چه‌ند پرسێك كۆده‌بێته‌وه و په‌رله‌مانتارێكی كوردیش زانیاری له‌سه‌ر كۆبوونه‌وه‌كه ده‌دات.
سه‌لیم شوشكه‌یی، ئه‌ندامی ئه‌نجومه‌نی نوێنه‌رانی عیراق له فراكسیۆنی كۆمه‌ڵی ئیسلامی به وێستگه نیوزی راگه‌یاند: كاتژمێر یه‌كی نیوه‌ڕۆی ئه‌مڕۆ شه‌ممه 22ی كانوونی یه‌كه‌می 2018، ئه‌نجومه‌نی نوێنه‌رانی عیراق بۆ تاووتوێكردنی چه‌ند پرسێك كۆده‌بێته‌وه.
راشیگه‌یاند: "له كۆبوونه‌وه‌كه‌دا بڕیاری پێكهێنانی لیژنه‌یه‌ك ده‌درێت بۆ كێشه‌ی فڕۆكه‌خانه‌ی نه‌جه‌ف و ده‌نگدان له‌سه‌ر ئه‌و دادوه‌رانه‌ی له دادگای فیدراڵی عیراق ده‌ستبه‌كارده‌بن".
له باره‌ی ئه‌وه‌ی كه ئایا هیچ له‌سه‌ر كابینه‌كه‌ی عه‌بدولمه‌هدی باس ده‌كرێت؟ سه‌لیم شوشكه‌یی وتی: "هیچ بابه‌تێكی تایبه‌ت به كابینه‌كه‌ی عه‌بدولمه‌هدی و ده‌نگدان له‌سه‌ر ئه‌و وه‌زاره‌تانه‌ی ماون باس ناكرێت و له به‌رنامه‌ی كاردا نییه".
ئەوە لە کاتێکدایە پێنجشەممەی رابردوو پەرلەمانی عراق کۆبوەوە و توانی متمانە بدات بە دوو کانیدی پۆستە وەزاریەکان و تا ئێستاش دوو وەزارەت بێ وەزیر ماونەتەوە.
PM:12:19:22/12/2018
ئه‌م بابه‌ته 1216
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت