به‌وێنه..جوانیه‌كه‌ی جۆرجیناش ڕاسته‌قینه نییه
وێستگە ستایل-
كچه هاوڕێی پێشووی ئه‌ستێره‌ی تۆپی پێی پورتوگال" كریستیانۆ ڕۆناڵدۆ" له‌ڕێی بڵاوكردنه‌وه‌ی چه‌ند وێنه‌یه‌كی كۆنی جۆرجینا كچه هاوڕێی ئێستای ڕۆناڵدۆ و دایكی منداڵه‌كانی ئاشكرای كردوه جوانیه‌كه‌ی جۆرجینا ته‌نها هۆكاره‌كه‌ی نه‌شته‌رگه‌ری جوانكارییه و له بنه‌ڕه‌تدا خۆی خاوه‌نی ئه‌م ڕوخساره نه‌بووه.
نیریدا گالاردۆ ی ته‌مه‌ن 39 ساڵ ساڵی 2008 بۆ ماوه‌ی 8 مانگ له‌گه‌ڵ كریستیانۆ هاوڕێ و خۆشه‌ویستی یه‌كتر بوون، ئه‌م ئافره‌ته خاوه‌نی ئارایشتگای تایبه‌تی خۆی بووه له دورگه‌ی بلیارو ئێستا له ئینستگرام ژماره‌یه‌ك فۆڵۆوه‌ری هه‌یه و له هه‌ژماره‌كه‌یه‌وه ڕیكلام بۆ نه‌شته‌رگه‌ری جوانكاری ده‌دات و به‌م دواییانه وێنه‌یه‌كی خۆشه‌ویسته‌كه‌ی ڕۆناڵدۆی بڵاوكردۆته‌وه و له‌سه‌ر وێنه‌كه ئاماژه‌ی بۆ ئه‌و نه‌شته‌رگه‌ریانه كردوه كه جۆرجینا كردویه‌تی و ئێستا له‌سه‌نته‌ره‌كه‌ی ئه‌و ئه‌نجامده‌درێت.
نیریدا ئاشكرای كردوه، جۆرجینا چه‌ند نه‌شته‌رگه‌ریه‌كی جوانكاری كردوه بۆ ئه‌وه‌ی شێوه‌ی له كیم كارداشیان ئه‌ستێره‌ی ته‌له‌فیزۆنی ئه‌مه‌ریكی بچێت به‌ڵام له‌ڕاستیدا شێوه‌ی نه‌چۆته‌وه سه‌ر ئه‌و.
ڕۆناڵدۆ پاش جیابوونه‌وه‌ی له نیریدا، له‌گه‌ڵ خانمه نمایشكاری جلوبه‌رگ" ئیرینا شایك" په‌یوه‌ندی داناوه و ساڵی 2017 پاش جیابوونه‌وه‌ی له ئیرینا، جۆرجینا ی ناسیه‌وه و ئێسته خاوه‌نی دوو منداڵن.
PM:05:00:25/01/2023
ئه‌م بابه‌ته 23876
جار خوێنراوه‌ته‌وه