ڤایرۆسێكی بكوژ بڵاوبۆته‌وه
وێستگە ستایل-
حكومه‌تی ڕواندا مردنی 8 كه‌سی ئاشكرا كردوه هه‌تا ئێستا، كه توشبووی ڤایرۆسی ماربۆرگ كه هاوشێوه‌ی ئیبۆلایه، ئه‌مه‌ش له‌كاتێكدایه تای خوێنبه‌ربوونی بكوژ له وڵاته‌كه‌دا بڵاوبۆته‌وه و تا ئێستا هیچ ڤاكسین و چاره‌سه‌رێك نییه بۆ ئه‌م بابه‌ته.
ڤایرۆسی ماربۆرگ هاوشێوه‌ی ئیبۆلا بڵاوبۆته‌وه و ئه‌مه‌ش له‌ڕێی په‌یوه‌ندی ڕاسته‌وخۆ و شله‌ی له‌ش یان ڕوكارێكی پیسبوو به ڤایرۆسه‌كه بڵاوده‌بێته‌وه و %88 ی توشبووان گیان له‌ده‌ستده‌ده‌ن.
رواندا وه‌ك یه‌كێك له وڵاته‌كانی ناوه‌ڕاستی ئه‌فه‌ریقا ئاشكرای كردوه ئه‌م نه‌خۆشییه تیایدا بڵاوبۆته‌وه و له‌ماوه‌ی ته‌نها یه‌ك ڕۆژ پاش بڵاوبوونه‌وه‌ی 6 كه‌س به‌هۆیه‌وه گیانیان له‌ده‌ستداوه و وه‌زیری ته‌ندروستی ئه‌و وڵاته جه‌ختی له‌سه‌ر ئه‌وه كردۆته‌وه له ڕۆژی هه‌ینی هه‌تا ئه‌مڕۆ 26 حاڵه‌تی توشبوون هه‌بووه و 8 كه‌س گیانیان له‌ده‌ستداوه.
بۆ دووربوون له توشبوون داوا له هاوڵاتیان ده‌كرێت دوور بكه‌ونه‌وه له به‌ركه‌وتنی جه‌سته‌ی، زۆرینه‌ی ئه‌و كه‌سانه‌ی توشی نه‌خۆشییه‌كه بوون له كه‌رتی خزمه‌تگوزاری ته‌ندروستی كاریان كردوه.
PM:04:36:01/10/2024
ئه‌م بابه‌ته 11412
جار خوێنراوه‌ته‌وه