به‌وێنه.. منداڵێك به ڕێكه‌وت له مردن ڕزگاری بوو
وێستگە ستایل-
منداڵێكی ته‌مه‌ن 4 ساڵ به‌ڕێكه‌وت له مردن ڕزگاری بوو پاش ئه‌وه‌ی دیسكێكی هۆكی به‌شێوه‌یه‌كی ڕاسته‌وخۆ به ئاڕاسته‌ی ڕوخساری چووه كاتێك له‌گه‌ڵ دایكی له‌سه‌ر كورسیه‌ك له‌ناو یاریگا دانیشتوه.
ئه‌ندرۆ بۆدۆلاك گه‌نجێكی ته‌مه‌ن 28 ساڵه له نزیكمنداڵه‌كه دانیشتوه و توانیویه‌تی دیسكه‌كه له منداڵه‌كه دوور بخاته‌وه و به‌و هۆیه‌وه له مردن ڕزگاری ببێت و منداڵه‌كه‌ش زۆر له‌و دۆخه ترساوه كه تێی كه‌وتوه.
ئاسیا دایكی منداڵه‌كه‌یه و وتویه‌تی"ڕووداوه‌كه زۆر سه‌یر بوو زۆری نه‌مابوو به‌هۆیه‌وه كوڕه‌كه‌م له‌ده‌ست بده‌م، پاش ئه‌وه گرته‌یه‌كی ڤیدیۆیی له هه‌ژماره‌كه‌ی له تیك تۆك بڵاوكردۆته‌وه و داوای كردوه هاوكاری بن له دۆزینه‌وه‌ی ئه‌و گه‌نجه‌ی ژیانی كوڕه‌كه‌ی ڕزگاركردوه بۆ ئه‌وه‌ی سوپاسگوزاری بێت"
له‌ماوه‌یه‌كی كه‌مدا ڤیدیۆیی ئه‌م دایكه زیاتر له 2 ملیۆن بینه‌ری تێپه‌ڕاندوه و به‌هۆی تۆڕه كۆمه‌ڵایه‌تیه‌كانه‌وه توانیویه‌تی گه‌نجه‌كه بدۆزێته‌وه.
PM:09:12:15/04/2024
ئه‌م بابه‌ته 1076
جار خوێنراوه‌ته‌وه