‌چۆن بزانین توشبووی نەخۆشی گەنم و جۆین؟

وێستگە ستایل-

نەخۆشی گەنم و جۆ ئەم نەخۆشیە هەستیاریەکە بە پڕۆتینی گلوتین، کە ئەم پڕۆتینە لە دانەوێڵەی گەنم و جۆدا هەیە، بۆ دڵنیابوون و دەستنیشان کردنی نەخۆشیەکە ئەم ڕێگایانە دەگیرێتە بەر كه‌ دکتۆر سەرکەوت پسپۆڕی نەخۆشیەکانی هەناوی و کۆئەندامی  له‌م بابه‌ته‌دا باسیده‌كات.

1- نیشانەکانی لەگەڵیدا بڕوات، واتە نیشانەکانی دیار بن .
2- پشکنینی سیرۆلۆجی بۆ بکرێت ئەم پشکنینە پۆزەتیڤ بێت .
3- هەناوبینی ( نازور ) بۆ گەدەو دوانزەگرێ و وەرگرتنی پارچەیەک لەبەشی دووەمی دوانزەگرێ و ناردنی بۆ تاقیگە بۆ ئەوەی دڵنیا ببینەوە لە نەخۆشیەکە .

ئەوانەی کە هەناوبینی ئەنجام نادەن، ئەم پشکنینە( HLA typing ) ئەنجام بدەن کە DQ2 و DQ8 مان هەیە ئەگەر ئەمە نێگەتیڤ بوو بەدڵنیاییەوە کەسەکە نەخۆشی دانەوێڵەی نیە ، ئەگەریش پۆزەتیڤ بوو ، هەر ناتوانرێ بوترێ کەسەکە نەخۆشی گەنم و جۆی هەیە.

ئه‌م پزیشكه‌ ده‌شڵێت"پێویستە پەنا ببرێتە بەر هەناوبینی و سامپڵ بۆچی ؟ چونکە دەرکەوتووە کەلە 10% ی خەڵکی   پشکنینەکەی  پۆزەتیڤ بووە و نەخۆشی گەنم و جۆی نەبووە ، لەبەرئەوە ئەگەرێک لە ئەگەرەکان پێویستی بە ئەنجامدانی هەناوبینی هەیە."


PM:12:12:20/11/2023


ئه‌م بابه‌ته 884 جار خوێنراوه‌ته‌وه‌‌