‌زەردوویی دووگیانی هۆكار و نیشانه‌كانی

وێستگە ستایل-

نەخۆشییەکە تووشی جگەر دەبێت و لە كۆتا مانگەکانی دووگیانیدا ڕوودەدات. ئەم حاڵەتە دەبێتە هۆی خورانی توند، بەڵام نابێتە هۆی دروستبوونی پەڵە. ئەم خورانە بەزۆری لە دەست و قاچدایە، بەڵام ڕەنگە کاریگەری لەسەر بەشەکانی تری جەستەش هەبێت، دكتۆرە هودا پزیشكی نه‌خۆشییه‌كانی ژنان و منداڵبوون له‌م بابه‌ته‌دا نیشانه‌ و هۆكار و چاره‌سه‌ری ئه‌م گرفته‌ ته‌ندروستیه‌ی‌ خانمان له‌ماوه‌ی‌ دووگیانی ده‌خاته‌ ڕوو.

نیشانەکان:
-خورانی توند نیشانەی سەرەکی نەخۆشی زەردوویی کە لە کاتی دووگیانیدا ڕوودەدات.
-خوران زیاتر لە سێ مانگی کۆتایی دووگیانیدا ڕوودەدات، بەڵام هەندێکجار زووتر دەست پێدەکات.

نیشانەکانی تری  زەردوویی  لە کاتی دووگیانیدا لەوانەیە بریتی بن لە:
1-زەردبوونی پێست و سپێنەی چاو 
2-هێڵنجدان
3-کەمبوونەوەی ئارەزووی خواردن
4-پیسایی چەور و بۆن ناخۆش

هۆکارەکانی مەترسی، ئەو هۆکارانەی کە ڕەنگە مەترسی تووشبوونت بە نەخۆشی زەردوویی لە کاتی دووگیانیدا زیاد بکەن بریتین لە:
1-هەبوونی مێژووی کەسی یان خێزانی لە نەخۆشی زەردوویی لە کاتی دووگیانیدا
2-تووشبوونی پێشوو بە نەخۆشی جگەری وەک هەوکردنی ڤایرۆسی جگەر
3-دووگیانی بە دوانە یان زیاتر
4-دووگیانی لە تەمەنێکی گەورە، وەک ٣٥ ساڵ یان زیاتر


PM:12:06:20/11/2023


ئه‌م بابه‌ته 1068 جار خوێنراوه‌ته‌وه‌‌