1- زۆربەی حالەتەکان هۆکارەکەی تێکچوونی خواردن و خواردنەوەوەیە کاتێک لە شوێنێکی گەرم دادەنرێ  بەتایبەت لە ئێستادا پلەکانی گەرما زۆر بەرزن و خواردن بە ماوەیەکی کەم تێکدەچێت و پیس دەبێت ئەگەر بە شێوەیەکی دروست هەڵنەگیرێت.

2-هەندێ جۆری ئەو ڤایرۆسانە لە پلەی گەرمی بەرز چاڵاکترن و کاریگەرترن 

- ڕشانەوە

-سک چوون (پیساییەکە زۆر شل دەبێتەوەو نەخۆش زۆرجار وەکو ئاو پێناسەی دەکا)

-تایەکی نزم یان مام ناوەند

- بێتاقەتیەکی زۆر

- پێچ کردنی سک و سک ئێشە

پێویستە پزیشک نەخۆشەکە ببینێت بۆ دیاریکردنی هۆکارەکەی

- گرینگترین شت بریتیە لە ڕێگریکردن لە وشک بوونەوە، ئەو ئاوەی لە سک چوون و ڕشانەوە دەچێتە دەرەوە لە لاشە پێویستە قەرەبوو بکرێتەوە (چ لە ڕێگەی دەمەوە ئەگەر ڕشانەوەکەی کەم بوو ، چ لە ڕێگەی دانانی موغەزی)

- دەکرێ پاڕاسیتامۆڵ بەکاربێت (چ لە شێوەی دەرزی یان موغەزی) بۆ کەم کردنەوەی تا و ئازار

- ڕەنگە پێویست بە بەکارهێنانی چەند چارەسەرێکی تریش بکا بۆ ڕاگرتنی ڕشانەوەو کەم کردنەوەی ئازاری سک کە لە لایەن پزیشکەوە دیاریدەکرێت.

- فلاجیل (میتڕۆنایدازۆڵ) دەرمانی چارەسەری سکچوون نیە ، تەنانەت یەکێک لە کاریگەرە نەخوازراوەکانی (Side Effects) فلاجیل بریتیە لە سکچوون نەک خۆی ببێتە هۆی ڕاگرتنی سکچوون ، بۆیە بەهیچ شێوەیەک بەکاری مەهێنە بۆ چارەسەری سکچوون لەو پەتایە ، چون نەک هەر هیچ سوودێکی نیە ، بگرە زیانیشی هەیە بۆ نەخۆشەکە . چەند حالەتێکی کەم هەیە کە فلاجیل بەکاردێت بۆ نەخۆش وەکو چارەسەرێک بۆ سکچوون کە هۆکارەکەی بەکتریا بێت ، ئەویش لە لایەن پزیشکەوە دیاری دەکرێ نەک لەلایەن خۆت یان دەرمانخانەو یادیدەدەرە پزیشکیەکەی سەری کۆڵان. 

- بەکارهێنانی دەرمانەکانی دژە هەوکردن (وەکو ئەمۆکسیلین، ئەمۆکلان ،کیفلێکس، سوپراکس، ئەزیسرۆمایسین، سیفتریاکزۆن ، ...هتد) زیادەیەو هیچ سوودێکی لێنابینی بۆ ئەو پەتایەو تەنها زیانی ماددی و جەستەیی بەخۆت دەگەینی بە بەکارهێنانی . 

ئەوەی لە کۆتایی پێویستە بیڵێین ئەوەیە ئەو پەتایە جێی ترس نیە، ڕەنگە سەڕەڕای بەکارهێنانی چارەسەریش سێ تا 4 ڕۆژ بخایەنێت، تاکە شت کە زۆر پێویستە ئاگاداری بین بریتیە لە ڕێگریکردن لە وشکبوونەوە و قەرەبووکرنەوەی ئەو ئاوەی نەخۆش لە جەستەی دەردەچێت لە ڕێگەی ڕشانەوەو سکچوون بە تایبەت لە منداڵ و بەتەمەنەکان .