وهڵامی چهند پرسیارێك لهسهر نهخۆشی شهقیقه له منداڵدا
وێستگە ستایل-
شەقیقە یەکێکە لەھۆکارە بەربڵاوەکانی سەرئێشە، کەوەکو نۆرە ماوەماوە دێتەوە بۆ نەخۆشەکە، دكتۆر ڕهزا پسپۆڕی نەخۆشی مناڵان و تازەلەدایک بوو لهم بابهتهدا وهڵامی چهند پرسیارێك لهسهر ئهم نهخۆشییه دهداتهوه.
1- ئایا شەقیقە لەمناڵاندا ڕوو دەدات؟
- بەڵێ ڕووئەدات و زۆر بەربڵاویشە، ڕێژەکەی ٣.٥-٥ ٪ ە، لەکچاندا زۆرترە .
- دوولەسەر سێی نەخۆشەکان یەکێک لەخێزانەکیدا شەقیقەی هەیە، واتا خێزانیە.
2- نیشانەکانی چین؟
1- نۆرەی سەرئێشەی توند کە ٤-٧٢ سەعات ئەخایەنێ ، ٥جار یان زیاتر.
2- سەرئێشە کە هەردوولای سەر یان یەک لای سەرئەگرێتەوە و توندییەکەی مامناوەند بۆ زۆر توندە، بەچالاکی ئاسایی رۆژانە زیاد دەکات.
3-ڕشانەوەو دڵ تێکچوونی لەگەڵە
4-لەوانەیە بەڕووناکی و دەنگی بەرز زیاد بکات.
5-بێ هێزبوون و رەنگ سپی بوون
ئەو نیشانانە لەوانەیە هەرهەمووی بەیەکەوە ، یان چەن نیشانەیەکی بەیەکەوە هەبێت .
3-جیاوازی شەقیقەی مناڵان چیە لەگەڵ گەوراندا؟
- لەمناڵاندا زیاتر هەردوولای سەر ئەگرێتەوە و نیشانەکانی جۆگەی هەرسی وەکو دڵتێکچوون و رشانەوەو سک ئێشەی زیاترە لەچاو شەقیقەی گەوراندا.
4-ئەو هۆکارانە چین کە شەقیقە زیاد ئەکەن ؟
1- پەنیر
2-چوکولاتە
3-لەدەست چونی ژەمی خواردن
4-کەم خەوی
5- سترێس
تێبینی: شەقیقە بە پشکنینی خوێن و ئەشیعە دیاری ناکرێت و بەنیشانەکانی و مێژووی نەخۆشیەکە دیاری ئەکرێت.
5-چارەسەر چیە؟
-دوورکەوتنەوە لەھیلاکی و ترس و ئەو ھۆکارانەی شەقیقە زیاد ئەکەن، ھەروەھا چارەسەر بەدەرمان کەپسپۆری مناڵان دیاری ئەکات.
* ھەموو سەرئێشەیەکیش شەقیقە نیە و سەرئێشەش لەمناڵاندا نابێ فەرامۆش بکرێ بەتایبەت ئەگەر:
1-بەیانیان لەخەو ھەستاو دڵتێکچون و ڕشانەوەی لەگەڵبوو.
2- ئەگەر نیشانەدەمارییەکانی وەکو گەشکەو جوڵەی نائاسایی پەلەکان و تێکچونی ھاوسەنگی و دووان بینینی لەگەڵبوو .
3- تێکچونی ھۆشداری لەگەڵ بوو.
4- کێشەی بینینی لەگەڵ بوو .
5-تای بەرزی لەگەڵ بوو.
PM:05:34:20/09/2021
ئهم بابهته 2008
جار خوێنراوهتهوه