توێژینەوەیەکی نوێ مۆدێلە مرۆییەکانی شێرپەنجە بۆ پەرەپێدانی چارەسەری ورد بەکار دەهێنێت

وەستگە ستایل - سۆلین عوسمان

توێژەران بە پاڵپشتی پەیمانگای نیشتمانی تەندروستی ئەمریکا خەریکی پەرەپێدانی مۆدێلی مرۆیی شێرپەنجەن بۆ باشترکردنی لێکۆڵینەوە لە تومۆرەکان و خێراکردنی دۆزینەوەی چارەسەری وردتر.

هاوکارییەکی نێودەوڵەتی توانیویەتی ٢٥ جۆری تومۆر پۆلێن بکات بە بەکارهێنانی سامپڵی هەزاران نەخۆش. ئامانجی ئەم کارە دروستکردنی مۆدێلێکە کە بە وردی نیشانی بدات شێرپەنجە چۆن گەشە دەکات و چۆن وەڵامی دەرمانە جیاوازەکان دەداتەوە.

شێرپەنجە لە کەسێکەوە بۆ کەسێکی تر زۆر دەگۆڕێت، واتە چارەسەرێک کە بۆ تومۆرێکی دیاریکراو باش بێت، مەرج نییە بۆ نەخۆشێکی تر هەمان ئەنجامی هەبێت. ئەم مۆدێلانە یارمەتی تێگەیشتن لەم جیاوازییانە دەدەن.

ئەم پڕۆژەیە بەشێکە لە گۆڕانکاری بەرەو "پزیشکی ورد" (Precision Medicine)، کە تێیدا بڕیاری چارەسەر لەسەر بنەمای سیفەتە بایۆلۆژییەکانی تومۆری هەر تاکەکەسێک دەدرێت.

توێژەران هیوادارن ئەم مۆدێلانە مەودای نێوان توێژینەوەی تاقیگەیی و ئەنجامەبڕاستەقینەکانی سەر نەخۆش کەم بکەنەوە و دەرفەت بدەنە زانایان تا دەرمانەکان پێش گەیشتن بە قۆناغی کلینیکی تاقی بکەنەوە.

ئەم پەرەپێدانە نموونەیەکی تری تێکەڵکردنی جینات و بایۆلۆژی و تەکنەلۆژیای تاقیگەیی پێشکەوتووە بۆ باشترکردنی چارەسەری شێرپەنجە.

سەرچاوە: پەیمانگای نیشتمانی تەندروستی، ٥ی ئابی ٢٠٢٦.

PM:11:30:23/08/2026

ئه‌م بابه‌ته 140 جار خوێنراوه‌ته‌وه‌‌