1- ئارەقە کردن.

2- ژانەسەر.

3- بەرچاو لێڵ بوون.

4- سەرسوڕان.

5- دەست و قاچ لەرزین.

6- دڵەکوتە.

7- کزی بیرکردنەوە و نەمانی تەرکیز.

8- نەناسینەوەی کات و شوێن.

9- بێ هێزی و ژانی لەش.

10- گەشکە گرتن و لە هۆش خۆ چوون.

- بۆچی نزم بونەوەی شەکری خوێن ڕوو دەدات؟

بێگومان بەهۆی چارەسەری شەکرە ڕوودەدات، چونکە دەرمانەکان شەکر دادەبەزێننن، ئەنسۆلین کە دەرزیە بەتایبەتی دەبێتە هۆی دابەزینی شەکرە، هەروەها دەرمانی داوۆنیل، گلیمیپرامید و ئەوانی تر ئەگەر بەزیادە بەکار هێنران، یان نەخۆشەکە دەرزی لێبدات و خواردن نەخوات، یان جگە لە شەکرە و وەرگرتنی دەرمانەکانی، سستی گورچیلەو جگەری هەبێت، یان هاوکات دەرمانی دیکە بەناڕێکی بەکار بێنێت، یان ئەوەتا بەدواداچونی بۆ شەکرەی نەکردبێت.

- چارەسەری چییە؟

ئەگەر نەخۆش هۆشیاربوو، یان ئاگای لەخۆی هەبوو ئەوا شیرینی پێ دەدرێت، گوشراوی میوە، یان شەکراو و پاشانیش خواردن، بەڵام

ئەگەر لە هۆشخۆی چووبوو یان گەشکەی گرت و ەیان نەیدەتوانی خۆی شت بخوات و بخواتەوە،واتە حاڵەتەکەی زۆر توند بوو ئەوا پێویستە کانیولای بۆ دابنرێت و لە ڕێگای خوێنهێنەر گلوکۆزی  10%  یان 20 % ی بۆ دابنرێت یان دەرزی گلوکاگۆنی لێ بدرێت، هەتا دێتەوە هۆش خۆی.