هۆکارەکانی ئاوسانی مەمکی منداڵی تازە لەدایکبوو
وێستگە ستایل-
هەندێک جار دەبینرێت مەمکی منداڵی تازە لەدایکبوو لە پاش لەدایکبوون دەئاوسێت و گەورەدەبێت، ئەمەش دەبێتە هۆی ترس و دڵەڕاوکێ لای دایک و باوک، بەڵام لە ڕاستیدا ئەم حاڵەتە چەند هۆکارێکی لە پشتەوەیە کە سەرەکیترینیان ئەمانەن:
1- گۆڕانکاری کیمیایی: هەندێک کات منداڵ لەوانەیە هەندێک ماددەی کیمیایی وەرگرێت لە خوێنی دایکەکەوە، بەڵام دوای ئەوەی کە منداڵەکە دێتە دونیاوە دەبێتە هۆی ئاوسانی مەمکی منداڵەکە.
2- گۆڕانکاری هۆڕمۆنی: دایکان لە ماوەی دووگیانیدا گۆڕانکاری زۆریان بەسەردا دێت بە تایبەت کۆتاییەکانی دووگیانیاندا و هەندێک کات ئەم گۆڕانکارییانە کاریگەریشیان دەبێت لەسەر منداڵەکە و لە ئەنجامدا دوای لەدایکبوون دەبێتە هۆی ئاوسانی مەمکی منداڵەکە.
3- گوشینی مەمکی منداڵەکە: هەندێک لە دایک و باوکان دەیانەوێت بە گوشینی مەمکی منداڵەکەیان شیر و دەردراوەکەی تێدا بێتە دەرەوە و ئاوسانەکەی نەمێنێت، نازانن کە ئەمە حاڵەتەکە خراپتر دەکات و دەبێتە هۆی هەوکردن و هەڵئاوسانی زیاتر.
PM:12:23:06/11/2025
ئه‌م بابه‌ته 296
جار خوێنراوه‌ته‌وه