پێنج ڕێگا بۆ بەهێزکردنی یادەوەری
وێستگە ستایل-
یادگەی مێشکی مرۆڤ بەشێکی زۆر گرنگی جەستەی مرۆڤە کە پێویستە بەردەوام لە چالاکیدا بمێنێتەوە بۆ ئەوەی بەردەوام بین لە ژیانی ڕۆژانە، بەم پێنج ڕێگایە دەتوانین یادەوەریمان بەهێز بکەین:
1- وەرگرتنی خۆراکە تەندرووستەکانی وەک میوە و سەوزە بەسوودەکان وەک شیلک، مۆز، سێو، ترێ و تەواوکەرە خۆراکییە گرنگەکان رۆژانە وەک ڤیتامینەکانی D, B, K دەتوانن سودێکی یەکجار گەورەیان هەبێت و لە نەخۆشی بیرچوونەوە و خەڵەفان بمانپارێزن.
2- فێربوونی شتی تازە بە بەردەوامی وەک ئامێرە میوزیکیەکان، یاری تۆپی پێ، فێربوونی زمان، ...هتد دەتوانن یاری بە خانەکانی مێشک بکەن و بە چالاکی بیانهێڵنەوە.
3- چالاکی وەرزشی و جووڵەی بەردەوامی ڕۆژانە دەریخستووە کە کاریگەری ڕاستەوخۆی لەسەر کەم کردنەوەی فشاری دەروونی وە باشترکردنی خەو دەبێت کە ئەمەش دەتوانێت بە ڕێژەی %88 ببێتە هۆی کەم کردنەوەی ڕێژەی تووشبوون بە خەڵەفان و نەخۆشی لەبیرچوونەوە.
4- پەیوەندی کۆمەڵایەتی و بەسەربردنی کاتێکی زۆر لەگەڵ خێزان و هاوڕێ دەکرێت بە ڕێژەی %50 تووشبوون کەم بکاتەوە.
5- خەوتن بۆ ماوەی 7 بۆ 9 کاتژمێر بەسەریەکەوە بە شێوەیەک دوور بێت لە هەموو جۆرێکی ڕووناکی شاشە وەک مۆبایل و تەلەڤیزیۆن.
PM:02:22:05/07/2025
ئه‌م بابه‌ته 204
جار خوێنراوه‌ته‌وه