ئه‌م پزیشكه‌ باس له‌وه‌ ده‌كات له‌ناو ماستدا به‌شێوه‌یه‌كی سروشتی جۆرێك به‌كتریا هه‌یه‌ كه‌ ڕێگری ده‌كات له‌ توشبوون به‌شێرپه‌نجه‌، هاوكات مه‌ترسی توشبوون به‌شێرپه‌نجه‌ی‌ كۆڵۆن به‌ڕێژه‌ی‌ %20 كه‌مده‌كاته‌وه‌، به‌كتریا سوودبه‌خشه‌كانی ناو ماست هۆكارن بۆ زیادكردنی پرۆسه‌ی‌ ترشاندنه‌ جیاوازه‌كانی به‌كتریا سوودبه‌خشه‌كانی گه‌ده‌، له‌به‌ر ئه‌وه‌ ئه‌و جۆره‌ ماسته‌ بخۆن كه‌ به‌كتریای سوودبه‌خشی زیندوی تیادایه‌ .

دكتۆر جاستن ده‌شڵێت" ئه‌و كه‌سانه‌ی‌ به‌لایه‌نی كه‌مه‌وه‌ هه‌فته‌ی‌ دووجار ماست ده‌خۆن ئه‌وه‌ مه‌ترسی توشبوونیان به‌شێرپه‌نجه‌ی‌ گه‌ده‌ 5 جار كه‌متره‌ به‌راورد به‌و كه‌سانه‌ی‌ ماست ناخۆن"

له‌ناو گه‌ده‌دا به‌كتریای سوودبه‌خشی"بیڤیدۆباكتریۆم" هه‌یه‌ و ئه‌مه‌ش له‌ناو ماستدا هه‌یه‌ ڕێگری ده‌كات له‌ دروستبوونی وه‌ره‌می شێرپه‌نجه‌ی‌، ئه‌وه‌ش له‌كاتێكدایه‌ ئێستا توشبوون به‌م نه‌خۆشییه‌ %50 زیادی كردوه‌ به‌راورد به‌ 30 ساڵی ڕابردوو.

ئه‌گه‌رچی پسپۆڕان به‌ته‌واوه‌تی هۆكاری ئه‌م زیادبوونه‌ نازانن، به‌ڵام خراپی سیستمی خۆراكی و زۆر خواردنی خواردنه‌ پرۆسێس كراوه‌كان و كه‌م ئه‌نجامدانی وه‌رزش باوترین هۆكاره‌كانی زیادبوونی مه‌ترسی توشبوونه‌ به‌م جۆره‌ شێرپه‌نجه‌یه‌.