تیمی ھاوشێوەکراوی مەریخی ناسا دوای ٣٧٨ ڕۆژ لە گۆشەگیری دەرکەوتن

وێستگە ستایل - سۆلین عوسمان

چوار کەشتیوانی ناسا دوای ٣٧٨ ڕۆژ مانەوە لە ژینگەیەکی گۆشەگیر و ھاوشێوەکراوی مەریخ لە سەنتەری بۆشاییگەرێتی جۆنسن لە ھیوستن کۆتاییان بە ئەرکەکەیان هێنا.

ئامانجی سەرەکیی ئەم تاقیکردنەوەیە ئامادەکردنی مرۆڤ بوو بۆ ڕووبەڕووبوونەوەی ئاستەنگە دەروونی و جەستەییەکان پێش دەستپێکردنی گەشتە ڕاستەقینەکانی داهاتوو بەرەو مەریخ.

تیمەکە لە ژینگەیەکی سێ‌ڕەهەندی بە ڕووبەری ١,٧٠٠ پێی چوارگۆشە دەژیان و لە خاکی هاوشێوەکراودا کشتوکاڵیان دەکرد، هەروەها پەیوەندییەکانیان بە درەنگکەوتنی دەستکرد ئەنجام دەدا هاوشێوەی مەودای نێوان هەسارەکان.

تیمەکە پێکهاتبوون لە ڕۆس ئێڵدەر، ئیلین ئێلیس، ماتیۆ مۆنتگۆمێری و جەیمس سپایسەر، کە لێکۆڵینەوەیان لە توانای بەڕێوەبردنی سەرچاوە سنووردارەکان بەبێ پەیوەندیی ڕاستەوخۆ بە زەوی دەکرد.

ناسا لێکۆڵینەوە لە ئەنجامە دەروونی و جەستەییەکان دەکات، ئەمەش دەریدەخات کە گەیشتن بە مەریخ هاوشانی تەکنەلۆژیا پێویستی بە خۆڕاگریی مرۆییشە.

ڕۆیتەرز، ئەرکی چاپیا لە ناسا (NASA CHAPEA Mission).

PM:11:39:01/11/2026

ئه‌م بابه‌ته 8 جار خوێنراوه‌ته‌وه‌‌