گەلەئەستێرەی ڕێگای کاکێشان مێژوویەکی "توندوتیژ"ی هەبووە

وێستگە ستایل - سۆلین عوسمان

زانایان بەڵگەی نوێیان دۆزیوەتەوە کە دەری دەخات گەلەئەستێرەی ئێمە (ڕێگای کاکێشان) نزیکەی ١١.٨ ملیار ساڵ لەمەوبەر گەلەئەستێرەیەکی بچووکتری هەڵلوشیوە.

ئەم سیستەمە کە ناوی نراوە "Low-energy-Kraken-Heracles"، کۆمەڵە ئەستێرەیەکی تێدابووە کە بارستاییەکەیان ٥٠٠ ملیۆن جار لە خۆر گەورەتر بووە. ئەم پێکدادانە کۆنە یارمەتیدەر بووە لە دروستبوونی نەوەی نوێی ئەستێرەکان لە ناو ڕێگای کاکێشاندا.

گەلەئەستێرەکان بە تەنیا گەشە ناکەن، بەڵکو لە ڕێگەی تێکەڵبوون و هەڵلوشینی یەکترییەوە گەورە دەبن. ئەم مێژووە ملیاران ساڵ پێش دروستبوونی زەوی و خۆر ڕوویداوە.

ئەم توێژینەوەیە نیشانی دەدات کە پێکهاتەی ئێستای گەلەئەستێرەکەمان، لە ڕاستیدا تۆمارێکی مێژوویی ئەو ڕووداوە گەردوونییە گەورانەیە کە لە ڕابردوودا بەسەری هاتووە.

سەرچاوەکان: ڕۆیتەرز، نەیچەر ئەسترۆنۆمی.

PM:11:31:20/08/2026

ئه‌م بابه‌ته 32 جار خوێنراوه‌ته‌وه‌‌