کۆمپانیای ڕۆکێت لاب ئامادەکاری بۆ هەڵدانی مانگێکی دەستکردی نوێی وێنەگری زەوی دەکات

وێستگە ستایل - سۆلین عوسمان

کۆمپانیای ڕۆکێت لاب ئامادەکارییەکانی تەواو کردووە بۆ هەڵدانی مووشەکی ئیلێکترۆن لە چوارچێوەی ئەرکێکی نوێدا بە ناوی "The Sea God Surveys".

ئەم ئەرکە ئاسمانییە تەرخانکراوە بۆ بردنە خولیگەی مانگێکی دەستکردی ژاپۆنی بە ناوی QPS-SAR بۆ کۆمپانیای iQPS بۆ خولگەی نزیکی زەوی

مانگە دەستکردەکە تەکنەلۆژیای ڕاداری پێشکەوتووی (SAR) بەکاردەهێنێت، کە ڕێگەی پێدەدات بە شەو و ڕۆژ و تەنانەت لە ڕێگەی هەوری ئەستوور و کەشوهەوای خراپیشەوە وێنەی زۆر وردی زەوی بگرێت.

داواکاری بۆ داتای وێنەگریی بەردەوامی زەوی لە لایەن کەرتی ژینگە، بەڕێوەبردنی کارەساتەکان و کەرتی ئابوورییەوە بەردەوام لە زیادبووندایە.

ئەم هەڵدانە سەرکەوتووە تواناکانی ژاپۆن و کەرتی تایبەت لە چاودێریکردنی وردی زەوی لە هەموو بارودۆخێکدا بەهێزتر دەکات.

Reference: Rocket Lab – November 2, 2026.

PM:07:52:02/11/2026

ئه‌م بابه‌ته 112 جار خوێنراوه‌ته‌وه‌‌