قەتەر خەڵاتێکی نوێی توێژینەوە بۆ خوێندکاران و توێژەرانی کۆمەڵایەتی ڕادەگەیەنێت
وێستگە ستایل - سۆلین عوسمان
دامەزراوەی کاری کۆمەڵایەتیی قەتەر یەکەمین خولی "خەڵاتی توێژەری کۆمەڵایەتی" بە مەبەستی هاندانی لێکۆڵینەوەی زانستی و چارەسەرکردنی کێشە کۆمەڵایەتییەکان ڕاگەیاند.
ئامانجی ئەم هەنگاوە بەستنەوەی توێژینەوەیە بە لایەنی کردارەکی بۆ بەرزکردنەوەی کوالێتیی ژیانی تاک، خێزان و کۆمەڵگە.
پێشبڕکێکە سێ بەشی سەرەکی لەخۆدەگرێت: خوێندکارانی ئامادەیی، خوێندکارانی زانکۆ و توێژەرانی باڵا، لەگەڵ پسپۆڕانی بواری کۆمەڵایەتی، کە خەڵاتی دارایی تا ٥٠ هەزار ڕیاڵ پێشکەش دەکرێت.
تەوەرەکان تیشک دەخەنە سەر گۆڕانکارییە کۆمەڵایەتییەکان، جێگیریی خێزان، پاراستنی کۆمەڵایەتی و پێداویستییەکانی توێژە لاوازەکان، وەرگرتنی داواکاریش تا ١٥ی تشرینی دووەم بەردەوام دەبێت.
دەستپێشخەرییەکە بایەخی توێژینەوەی زانستی لە دەستنیشانکردنی کێشەکان و داڕشتنی سیاسەتی گشتیی گونجاو لە وڵاتدا نیشان دەدات.
ئاژانسی هەواڵی قەتەر (QNA).
PM:11:43:01/11/2026