بەردەوامیی چوونەناوەوەی سەرمایەی دامەزراوەیی بۆ بازاڕی کریپتۆ لەگەڵ نزیکبوونەوەی بیتکۆین لە بەرزترین ئاستەکانی

وێستگە ستایل - سۆلین عوسمان

بازاڕەکانی دراوی دیجیتاڵی گەواهیدەری بەردەوامیی چالاکیی دامەزراوە داراییەکانن، لە کاتێکدا دراوی بیتکۆین نزیک دەبێتەوە لە بەرزترین ئاستی خۆی لە مانگی کانوونیبدووەمەوە، ئەوەش دوای ئەوەی ئاستی بەرگریی گرنگی ٨٥ هەزار دۆلاری تێپەڕاند. بەرهەمە وەبەرهێنانییەکانی کریپتۆ سەرمایەیەکی بەرچاویان بۆ لای خۆیان ڕاکێشاوە.

سندوقەکانی مامەڵەپێکراوی بیتکۆین (ETF) لە مانگی ئەیلوولدا نزیکەی ٢.٧ ملیار دۆلار پارەی نوێیان بۆ هاتووە. هاوکات، دامەزراوە داراییەکان و لایەنە چاودێرەکان بەردەوامن لە گەڕان بەدوای ڕێگاکانی بەستنەوەی بازاڕە داراییە تەقلیدییەکان بە تەکنەلۆژیای بلۆکچەینەوە.

بانکی ناوەندیی ئەوروپا سێ مۆدێلی پێشنیارکراوی بۆ خستنەگەڕی پارەی بانکی ناوەندی لەسەر تۆڕەکانی بلۆکچەین خستووەتەڕوو، لە کاتێکدا گەشەپێدەرانی پەیوەست بە ئیثیریۆم تەکنەلۆژیایەکی نوێیان خستووەتەکار کە ڕێگە بە پارەدان بۆ مۆدێلەکانی ژیریی دەستکرد دەدات بەبێ ئاشکراکردنی ناسنامەی بەکارهێنەران.

بواری بەدیجیتاڵکردنی سەروەتوسامانی جیهانی ڕاستەقینەش (RWA) لە فراوانبووندایە، بە جۆرێک ڕاپۆرتێکی بازاڕی کریپتۆ دەریخستووە کە سەروەتە بەتۆکنکراوەکان گەیشتوونەتە دەیان ملیار دۆلار لە سەرانسەری دەیان تۆڕی بلۆکچەیندا.

ئەم پێشهاتانە دەریدەخەن کە چالاکییەکانی بلۆکچەین زیاتر لە مامەڵەکردنی ئاسایی دراوەکان تێدەپەڕێت و دەچێتە ناو سیستمەکانی پارەدان، ژێرخانی دارایی وبدیجیتاڵکردنی سەرمایە تەقلیدییەکانەوە.

بەگوێرەی ڕاپۆرت و داتاکانی ماڵپەڕی بازاڕی دارایی The Block.

PM:11:46:02/10/2026

ئه‌م بابه‌ته 80 جار خوێنراوه‌ته‌وه‌‌