بۆچی پەنجەرەی فڕۆکەکان بازنەیین و چوارگۆشە نین؟

وێستگە ستایل - سۆلین عوسمان

زۆرێک لە ئێمە لە کاتی گەشتکردن بە فڕۆکە سەرنجمان داوە کە شێوەی پەنجەرەکان بازنەیین، بەڵام کەم کەس دەزانێت کە ئەم دیزاینە تەنها بۆ جوانی نییە، بەڵکو پەیوەندییەکی ڕاستەوخۆی بە پاراستنی ژیانی سەرنشینەکانەوە هەیە.

جیاواز لە خانوو و باڵەخانەکان کە پەنجەرەی چوارگۆشە یان لاکێشە بەکاردەهێنن، فڕۆکەکان تەنها پەنجەرەی بازنەیی یان هێلکەییان هەیە، ئەمەش وەک چارەسەرێکی ئەندازیاری بۆ یەکێک لە گەورەترین کێشەکانی مێژووی فڕۆکەوانی داهێنراوە.

لە ساڵانی پەنجاکانی سەدەی ڕابردوودا، فڕۆکەکان بە پەنجەرەی چوارگۆشەوە دروست دەکران، بەڵام چەندین ڕووداوی دڵتەزێنی تێکشکانی فڕۆکە لە ئاسماندا ڕوویان دا، کە دوای لێکۆڵینەوەی ورد دەرکەوت هۆکاری سەرەکییان تەنها شێوەی پەنجەرەکان بووە.

لە ڕووی زانستییەوە، گۆشە تیژەکانی پەنجەرە چوارگۆشەکان دەبنە خاڵی کۆبوونەوەی فشاری زۆری هەوا؛ لەو خاڵانەدا فشارەکە دەبێتە دوو هێندە و دەبێتە هۆی درزبردنی پەیکەری فڕۆکەکە، بەڵام لە پەنجەرەی بازنەییدا فشارەکە بە یەکسانی بە دەوری پەنجەرەکەدا دابەش دەبێت و هیچ خاڵێکی لاواز دروست نابێت.

ئەم گۆڕانکارییە سادەیە لە دیزایندا، شۆڕشێکی گەورەی لە بواری سەلامەتی گەشتە ئاسمانییەکاندا بەرپا کرد و بووە هۆی ئەوەی فڕۆکەکان بتوانن بە سەلامەتی لە بەرزاییە زۆرەکاندا بفڕن بەبێ ئەوەی مەترسی تێکشکانیان لەسەر بێت.

ئاژانسی ناسا و سەرچاوە جیهانییەکانی ئەندازیاریی فڕۆکەوانی

PM:11:00:24/07/2026

ئه‌م بابه‌ته 84 جار خوێنراوه‌ته‌وه‌‌