میقداد مەدحەت بەدرخان؛ ئەو پیاوەی یەکەمین رۆژنامەی کوردی دامەزراند

وێستگە ستایل - سۆلین عوسمان

میقداد مەدحەت بەدرخان، وەک باوکی رۆژنامەگەری کوردی دەناسرێت، چونکە ئەو کەسە بوو کە بۆ یەکەمجار لە مێژوودا رۆژنامەی "کوردستان"ی بڵاوکردەوە. ئەم هەنگاوەی میقداد بەگ، وەرچەرخانێکی گەورە بوو لە مێژووی رۆشنبیری و سیاسی کورددا.

لە ٢٢ی نیسانی ١٨٩٨، میقداد مەدحەت بەدرخان لە شاری قاهیرەی پایتەختی میسر، یەکەم ژمارەی رۆژنامەی کوردستانی دەرکرد. ئامانجی ئەو لەم کارە، بێدارکردنەوەی گەلی کورد و ئاشناکردنیان بوو بە زانست و رۆشنبیری سەردەم.

میقداد بەگ کوڕی بەدرخان پاشای میری میرنشینی بۆتان بوو. ئەو بەهۆی فشاری دەسەڵاتدارانی عوسمانییەوە ناچار بوو لە دەرەوەی کوردستان کارە رۆژنامەوانییەکانی ئەنجام بدات، بەڵام دڵی هەمیشە لای نیشتمان بوو.

رۆژنامەی کوردستان نەک تەنها دەزگایەکی راگەیاندن بوو، بەڵکو وەک قوتابخانەیەک وابوو بۆ یەکخستنی زمانی کوردی و هاندانی کورد بۆ خوێندن و فێربوون. ژمارەکانی ئەم رۆژنامەیە لە قاهیرە، جنێف و لەندەن چاپ دەکران و بە نهێنی دەگەیەنرانە ناو

کوردستان.

ساڵڕۆژی دەرچوونی یەکەم ژمارەی رۆژنامەی کوردستان، ئێستا وەک "رۆژی رۆژنامەگەری کوردی" لە هەموو شوێنێک یاد دەکرێتەوە و رێز لە میقداد بەدرخان دەگیرێت.

سەرچاوە: مێژووی رۆژنامەگەری کوردی

PM:12:22:05/07/2026

ئه‌م بابه‌ته 240 جار خوێنراوه‌ته‌وه‌‌