یونسکۆ هۆشداری دەدات کە شەڕ زیان بە شوێنەوارە کلتوورییەکانی ئێران دەگەیەنێت

وێستگە ستایل - سۆلین عوسمان

ڕێکخراوی یونسکۆ ڕایگەیاندووە کە بە قووڵی نیگەرانە لە چارەنووسی شوێنەوارە

جیهانییەکان لە ئێران، دوای ئەوەی ڕاپۆرتی زیانگەیشتن بە چەندین شوێنەواری

مێژوویی لە کاتی شەڕی نێوان ئەمریکا، ئیسرائیل و ئێران بڵاوکرایەوە. لە نێو ئەو

شوێنانەی زیانیان پێگەیشتووە، کۆشکی گۆڵستانی تاران و چەندین شوێنی مێژوویی گرنگ

لە ئەسفەهان هەن، لە نێویاندا مزگەوتێک کە تەمەنی زیاتر لە ١٠٠٠ ساڵە و بە یەکێک لە

شاکارە تەلارسازییەکان دادەنرێت. ئاژانسە کلتوورییەکە ئاماژەی بەوە کردووە کە چوار

لە کۆی ٢٩ شوێنەواری ئێران کە لە لیستی کەلەپووری جیهانیدان تا ئێستا زیانیان

بەرکەوتووە، داواشی لە هەموو لایەنەکان کردووە پارێزگاری لە موڵک و ماڵی

کلتووری بکەن لە کاتێکدا شەڕ لە ناوچەکەدا بەردەوامە. ئەم هۆشدارییە نیشانی

دەدات کە چۆن شەڕ دەتوانێت نەک تەنها هەڕەشە لە ژیان و ژێرخان بکات، بەڵکو

هەڕەشەیە بۆ سەر یادەوەری، ناسنامە و مێژووی هاوبەشی مرۆیی کە بە درێژایی

سەدەکان بونیاد نراون. پاراستنی ئەم شوێنانە ئەرکێکی نێودەوڵەتییە، و لەدەستدانی

هەر یەکێکیان بە زیانێکی قەرەبوونەکراوە بۆ تەواوی جیهان دادەنرێت، کە پێویستە لە

ململانێ سیاسی و سەربازییەکان دووربخرێنەوە.

سەرچاوە: ناوەندی هەواڵی یونسکۆ (UNESCO News) / ئاژانسی ڕۆیتەرز

PM:09:57:20/05/2026

ئه‌م بابه‌ته 144 جار خوێنراوه‌ته‌وه‌‌