ڕاغب علامە پاش ڕاگرتنی لە کارە هونەرییەکانی دێتە دەنگ
وێستگە ستایل-
لە نوێترین تویتی هونەرمەند و گۆرانیبێژی لوبنانی ڕاغب علامە لە پێگەی فەرمی خۆی لە تۆڕی کۆمەڵایەتی X ، دەرەنجامی پەیوەندیکردن بە مصطفی کامل سەرۆکی سەندیکای هونەرمەندانی میسڕ سەبارەت بە ڕاگرتنی مۆڵەتی کارکردنی ئەو هونەرمەندە دوا بە دوای بڵاوبوونەوەی دیمەنێکی ماچکردنی لە دوایین کۆنسێرتیدا بڵاوکردەوە.
ڕاغب علامە لە پۆستەکەیدا نووسیوێتی " هەوادارە ئازیزەکانم لە پاش ئەنجامدانی پەیوەندییەکی تەلەفۆنی لەگەڵ مصطفی کامل هونەرمەند و سەرۆکی سەندیکای هونەرمەندانی میسڕ سەبارەت بە ڕاگرتنی مۆڵەتەکەم پێتان ڕادەگەیەنم هەواڵی خۆشم پێنییە و ئەم دەرەنجامە بە دڵی هیچ کەس نابێت".
لە درێژەی وتەکانیدا گۆرانیبێژە لوبنانییەکە ئاماژەی بەوە داوە کە "پێویستە دەرەنجامەکە قبووڵ بکەن و ناڕازی بوون لە سەرۆکی سەندیکا کارێکی باش نییە و من ڕازیم بەم بڕیارە، ئەرکی ئێمە وەک هونەرمەندان پاراستنی شکۆی خۆمان و دڵخۆشکردنی هەوادارەکانمانە، میسڕ هەمیشە وەک هۆڵیودی ڕۆژهەڵات دەمێنێتەوە و هەموو هەوادارە عەرەبەکانی خۆمم هەتا کۆتا هەناسەم خۆشدەوێت".
ئەم بابەتە دوا بە دوای بڕیارێکی سەرۆکی سەندیکای هونەرمەندانی میسڕ دێت کە مۆڵەتی کارکردنی ڕاغب علامەی ڕاگرتووە لە وڵاتی میسڕ.
PM:01:06:03/08/2025
ئه‌م بابه‌ته 1000
جار خوێنراوه‌ته‌وه