به‌هجه‌ت یه‌حیا: به‌م نزیكانه به‌رهه‌مێكی نوێ بڵاوده‌كه‌مه‌وه
وێستگە ستایل-
هونه‌رمه‌ند به‌هجه‌ت یه‌حیا له‌ڕێی په‌یجی فه‌رمی خۆی له‌تۆڕی كۆمه‌ڵایه‌تی فه‌یسبووك هه‌واداره‌كانی ئاگاداركردۆته‌وه له‌چه‌ند ڕۆژی داهاتودا به‌رهه‌مێكی نوێی خۆی بڵاوده‌كاته‌وه.
له‌باره‌ی ئه‌م كاره نوێیه‌ی به‌هجه‌ت یه‌حیا نوسیویه‌تی"بەرهەمی نوێ بۆ یەکەمجار ، بەو هیوایەی بتوانێت لەدڵی ئێوەی ئازیزدا جێگایەك بۆ خۆی بکاتەوە، ڕۆژی پێنج شەممە ڕێکەوتی 5.6.2025 کاتژمێر حەوتی ئێوارە بەکاتی کوردستان و کاتژمێر شەشی ئێوارە بەکاتی ئەوروپا"
ئه‌م هونه‌رمه‌نده ده‌شڵێت"گۆرانیەکی نوێمان بەناوی (بەس نیە تۆ هەیت) لێرەوە پەخش دەبێت، لەهەمان کاتدا لە پلاتفۆڕمەکانی وەك یوتوب و سپۆتیفای و ئەپڵ موزیك و فەیسبوك و ئینستاگرام و تیكتۆك بڵاودەبێتەوە"
به‌هجه‌ت یه‌حیا یه‌كێكه له‌و هونه‌رمه‌ندانه‌ی ساڵانێكی زۆره خزمه‌ت به هونه‌ری كوردی ده‌كات و ستایلێكی تایبه‌ت به‌خۆی هه‌یه له كاركردن و هه‌واداری تایبه‌تی ده‌نگی خۆی هه‌یه.
PM:09:41:03/06/2025
ئه‌م بابه‌ته 732
جار خوێنراوه‌ته‌وه