باتمان به‌نه‌خۆشی كۆچی دوایكرد
وێستگە ستایل-
ئه‌كته‌ری ناوداری ئه‌مه‌ریكی"ڤال كیلمه‌ر" ته‌مه‌ن 65 ساڵ پاش ئه‌وه‌ی به چه‌ند فیلمێك ناوبانگی ده‌ركرد له‌وانه‌ش"تۆپ گه‌ن" و"باتمان فۆرئێڤه‌ر" و " زه دۆرز" به‌هۆی نه‌خۆشییه‌وه گیانی له‌ده‌ستدا.
كچی ئه‌م ئه‌كته‌ره "مه‌رسیدیس گیلمه‌ر" له‌لێدوانێكی تایبه‌ت بۆ گۆڤاری" نیویۆرك تایمز" ی ئه‌مه‌ریكی ئاشكرای كردوه باوكی به‌هۆی توشبوونی به هه‌وكردنی توندی سییه‌كان گیانی له‌ده‌ستداوه، له ساڵی 2014 ه ئه‌م هونه‌رمه‌نده ناوداره توشی شێرپه‌نجه‌ی قوڕگ بوه و چاكبۆته‌وه.
ساڵی 1991 ئه‌م هونه‌رمه‌نده له فیلمی"زه دۆرز" له‌ده‌رهێنانی"ئۆلیڤه‌ر ستۆن" ڕۆڵی بینیوه، له فیلمی"هیت" كه ساڵی 1995 له ده‌رهێنانی مایكل مان ڕۆڵی دزی بانكی بینیوه كه سه‌ركه‌وتنێكی به‌رچاوی به‌ده‌ستهێناوه، له هه‌مان ساڵدا ئه‌م هونه‌رمه‌نده له فیلمی"باتمان فۆرئێڤه‌ر" له‌ده‌رهێنانی جویل شوماخر ڕۆڵی بینیوه.
كیلمه‌ر بچوكترین خوێندكاری فێرگه‌ی جولیارد بووه له نیویۆرك و له‌و كاته‌دا ئاره‌زووی به‌رهه‌مهێنانی فیلمی دۆكیۆمێنتاری هه‌بووه به‌ڵام سه‌ركه‌وتوو نه‌بوه تیایدا.
PM:09:34:02/04/2025
ئه‌م بابه‌ته 404
جار خوێنراوه‌ته‌وه