به‌گوێره‌ی‌ ئه‌نجامی ئه‌و توێژینه‌وه‌یه‌ی‌ گۆڤاری" نه‌یچه‌ر" وه‌ك به‌شێك له‌ پرۆژه‌ی‌ به‌راوردكردنی چیا سه‌هۆڵیه‌كان" و ده‌ركه‌وتوه‌ ساڵانه‌ به‌شێوه‌یه‌كی گشتی ڕوباره‌ سه‌هۆڵیه‌كان 273 ملیار تۆن سه‌هۆڵ له‌ده‌ست ده‌ده‌ن و ده‌توێته‌وه‌.

مایكل زیمب زانایه‌كی بواری به‌سته‌ڵه‌كه‌ و سه‌رۆكایه‌تی تیمی توێژینه‌وه‌كه‌ی‌ كردوه‌ وتویه‌تی" تائێستا 273 ملیار تۆن سه‌هۆڵ تواوه‌ته‌وه‌، ئه‌وه‌ش یه‌كسانه‌ به‌ بڕی ئه‌و ئاوه‌ی‌ سه‌رتاسه‌ری جیهان له‌ماوه‌ی‌ 30 ساڵدا به‌كاریده‌هێنێت كه‌ ده‌كاته‌ 3 لیتر ئاو بۆ هه‌ر تاكێك له‌سه‌ر زه‌وی"

پرۆژه‌ی‌ "گلامی" توێژینه‌وه‌یه‌كی نوێوده‌وڵه‌تیه‌ و خزمه‌تگوزاری چاودێری ڕوباره‌ سه‌هۆڵیه‌كان له‌جیهاندا چاودێری ده‌كات ئه‌ویش له‌لایه‌ن زانكۆی زیورخ به‌ڕێوه‌ ده‌برێت.

ئه‌م پرۆژه‌یه‌ له‌لایه‌ن سه‌دان توێژه‌ره‌وه‌ له‌سه‌رتاسه‌ری جیهان به‌ڕێوه‌ ده‌برێت و داتای هه‌مه‌چه‌شن وه‌رگیراوه‌ به‌سوود وه‌رگرتن له‌ مانگی ده‌ستكرد و ڕادتر و لێزه‌ر بۆ ته‌واوی چیا سه‌هۆڵیه‌كان له‌جیهاندا له‌ماوه‌ی‌ ساڵانی 2000-2023، ئه‌نجامه‌كان ئه‌وه‌یان سه‌لماندوه‌ هه‌تا ساڵی 2010 ڕوباره‌ سه‌هۆڵینه‌كان به‌ نزیكه‌ی‌ %5  قه‌باره‌كه‌یان له‌ده‌ستداوه‌ و ته‌نها ناوه‌ندی ئه‌وروپا %39 سه‌هۆڵوگوه‌ له‌ده‌ستداوه‌ له‌وانه‌ش دورگه‌ی‌ جه‌مسه‌ره‌كانی باكور و باشوو.