پێشتر ئه‌گه‌ری ڕوودانی ئه‌م حاڵه‌ته‌ %1.2 بووه‌ ئێستا ڕێژه‌كه‌ بۆ %3.1 به‌رز بۆته‌وه‌، ئه‌مه‌ش مانای وایه‌ ئه‌گه‌ری به‌ركه‌وتنی ئه‌م هه‌سارۆچكه‌یه‌ به‌ زه‌وی چانسه‌كه‌ی‌ زۆر بووه‌.

هه‌سارۆچكه‌ی‌ 2024 YR4 كه‌ كۆتا مانگی ساڵی ڕابردوو دۆزراوه‌ته‌وه‌، ناسا وه‌ك هه‌ڕه‌شه‌یه‌كی گه‌وره‌ و مه‌ترسیدار بۆ زه‌وی وه‌سفی كردوه‌، هه‌رچه‌نده‌ ڕێژه‌ی‌ مه‌ترسیدارێتی به‌ركه‌وتنی 2024 YR4 به‌ زه‌وی هێشتا ئه‌وه‌نده‌ زۆر نییه‌ به‌ڵام ناسا به‌جدی مامه‌ڵه‌ له‌گه‌ڵ ئه‌م بابه‌ته‌ ده‌كات، له‌ هه‌وڵدان بۆ دۆزینه‌وه‌ی‌ ئاڕاسته‌ و ڕێگای هه‌سارۆچكه‌كه‌ به‌ سوود وه‌رگرتن له‌ تلسكۆبی جیمس ویب له‌ بۆشایی ئاسمان.

هه‌ندێك له‌ پسپۆڕان خه‌می ئه‌وه‌یانه‌ ئه‌م هه‌سارۆچكه‌یه‌ به‌ر زه‌وی بكه‌وێت، به‌ڵام ڕاپۆرته‌كان ئاماژه‌ بۆ ئه‌وه‌ ده‌كه‌ن %96.9 له‌كاتی كه‌وتنه‌ خواره‌وه‌ی‌ ئه‌م هه‌سارۆچكه‌یه‌ زه‌وی سه‌لامه‌ت ده‌بێت، تا ئێستا هه‌سارۆچكه‌كه‌ له‌ زه‌وی دوره‌ به‌ڵام باس له‌وه‌ ده‌كرێت ئه‌گه‌ر بكه‌وێته‌ خواره‌وه‌ ئه‌گه‌ری هه‌یه‌ بكه‌وێته‌ ئه‌و ناوچانه‌ی‌ له‌ باكوری ئه‌مه‌ریكای باشوور و باشووری ئاسیا ز ئه‌فه‌ریقا بكه‌وێته‌ خواره‌وه‌ و كاریگه‌ری له‌سه‌ر هندستان و پاكستان و ئیكوادۆر ده‌بێت .