دایكێك هه‌تا مردن كچه‌كه‌ی برسی كرد
وێستگە ستایل-
له شاری مۆنبلییه له باشوری فه‌ڕه‌نسا دایكێك به‌تۆمه‌تی برسی كردنی كچه ته‌مه‌ن 13 ساڵه‌كه‌ی دادگای كرا، ئه‌گه‌رچی كچه‌كه‌ی به‌هۆی ئه‌م ڕه‌فتاره‌ی دایكه‌كه‌یه‌وه گیانی له‌ده‌ستداوه، به‌ڵام ئه‌م دایكه باس له‌وه ده‌كات كچه‌كه‌ی له خواردن بێبه‌ش نه‌كردوه.
ساندرین بیسارا ته‌مه‌ن 54 ساڵ وتویه‌تی"نازانم بۆچی نانی نه‌خواردوه، من هیچ بێبه‌شم نه‌كردوه له‌نانخواردن"
له‌مانگی ئاب ی ساڵی 2020 ئه‌ماندین ی ته‌مه‌ن 13 ساڵ كه باڵای 155 سانتیمه‌تر بووه كێشی ته‌نها 28 كیلۆ بووه به‌هۆی جه‌ڵده‌ی دڵه‌وه گیانی له‌ده‌ستداوه.
پزیشكی دادوه‌ری له‌ڕێی پشكنینه‌وه ئاشكرایان كردوه هۆكاری گیان له‌ده‌ستدانی ئه‌م كچه 13 ساڵه بۆ كه‌ڕوكردنی خوێنی و لاوازی كێش و به‌دخۆراكیه‌وه بووه، قژ و ددانه‌كانی به‌ته‌واوه‌تی هه‌ڵوه‌ریون.
بیسارا دایكی 8 منداڵه و سێجار هاوسه‌رگیری كردوه، ئازار و ئه‌شكه‌نجه‌ی ئه‌م كچه‌یداوه له‌ماوه‌ی 6 ساڵی پێش مردنی كچه‌كه‌ی و به‌هۆی ئه‌و كاره‌ی كردویه‌تی سزای زیندانی هه‌تا هه‌تای به‌سه‌ردا دراوه.
PM:05:34:21/01/2025
ئه‌م بابه‌ته 560
جار خوێنراوه‌ته‌وه