تره‌مپ له‌ڕێكخراوی ته‌ندروستی جیهانی كشایه‌وه
وێستگە ستایل-
سه‌رۆكی ئه‌مه‌ریكا"دۆناڵد تره‌مپ" سه‌رۆكی نوێی ئه‌مه‌ریكا بڕیاریدا وڵاته‌كه‌ی له‌ڕێكخراوی ته‌ندروستی جیهانی بكێشێته‌وه، هاوكات ڕێكخراوه‌كه‌ی تۆمه‌تبار كردوه كه نه‌یانتوانیوه وه‌ك پێویست له‌ماوه‌ی په‌تای كۆرۆنا و ئه‌زمه ته‌ندروستیه‌كانی دیكه له‌ماوه‌ی چه‌ند ساڵی ڕابردوو ڕۆڵیان هه‌بێت.
تره‌مپ باسی له‌وه كردوه ڕێكخراوی ته‌ندروستی جیهانی له‌كاتی پێویستدا اریگه‌ری ئه‌وتۆی نه‌بووه بۆ ئه‌و وڵاتانه‌ی تیایدا ئه‌ندامبوون، هاوكات داوای بڕه پاره‌ی خه‌یاڵی كردوه‌له ئه‌مه‌ریكا له‌به‌رامبه‌ردا ئه‌م بڕه پاره‌یه له وڵاتی چین داوانه‌كراوه، هاوكات ڕێكخراوه‌كه‌ی به‌وه تۆكه‌تبار كردوه كه فێڵی له ئه‌مه‌ریكا كردوه به‌ڵام چیتر ئه‌مه به‌رده‌وام نابێت له‌ماوه‌ی ده‌سه‌ڵاتی ئه‌ودا.
به‌هۆی ئه‌م هه‌نگاوه‌ی تره‌مپه‌وه له‌ماوه‌ی 12 مانگدا به‌ته‌واوه‌تی هاوبه‌شیه داراییه‌كان له‌ڕێكخراوی ته‌ندروستی جیهانی وه‌رده‌گیرێته‌وه، له‌كاتێكدا پێشتر ئه‌مه‌ریكا گه‌وره‌ترین هاوكاری ڕێكخراوه‌كه بووه و ساڵانه %18 ی پاره‌ی ڕێكخراوی ته‌ندروستی جیهانی له‌لایه‌ن ئه‌مه‌ریكا دابینكراوه، نوێترین بڕه‌پاره‌ی ساڵی 2024-2025 بڕیاربوه ئه‌مه‌ریكا بیداته ئه‌م ڕێكخراوه 6.8 ملیار دۆلار بووه.
كشانه‌وه‌ی تره‌مپ له‌ڕێكخراوی ته‌ندروستی جیهانی بابه‌تێكی چاوه‌ڕوانكراو بووه چونكه ساڵی 2020 هه‌مان هه‌نگاویناوه ئه‌و كاته‌ی بۆیه‌كه‌مجار سه‌رۆكی ئه‌مه‌ریكا بوو، ڕێكخراوه‌كه‌ی به هاوكاری چین بۆ چه‌واشه‌كردنی جیهان تۆمه‌تبار كرد له‌ماوه‌ی بڵاوبوونه‌وه‌ی په‌تای كۆڤید.
PM:05:14:21/01/2025
ئه‌م بابه‌ته 1020
جار خوێنراوه‌ته‌وه