884 ملیار دۆلار له‌م وێنه‌یه‌دایه
وێستگە ستایل-
وێنه‌یه‌ك كه له‌ئاهه‌نگی ده‌ستبه‌كاربوونی دۆناڵد تره‌مپ سه‌رۆكی هه‌ڵبژێردراوی ئه‌مه‌ریكادا تۆماركراوه، تیایدا به‌ناوبانگترین كه‌سایه‌تیه‌كانی جیهان له یه‌ك وێنه‌دا كۆبونه‌ته‌وه.
له‌وێنه‌كه‌دا هه‌ریه‌ك له"مارك زوكربیرگ سه‌رۆكی جێیه‌جێكاری كۆمپانیای مێتا، ئایلۆن مه‌سك سه‌رۆكی جێبه‌جێكاری كۆمپانیای تێسلا و سپه‌یس ئێكس، جیف بیزۆس دامه‌زرێنه‌ری ئه‌مازۆن و ساندر بینشای سه‌رۆكی جێبه‌جێكاری گۆگڵ له بینای كاپیتۆڵ ئاماده‌بوون.
له‌نێوان چالاكوانه‌كانی تۆڕه‌كۆمه‌ڵایه‌تیه‌كان زیاتر جه‌خت له‌سه‌ر پاره و سامانی ئه‌م كه‌سایه‌تیانه كراوه‌ته‌وه كه له‌وێنه‌كه‌دا ده‌ركه‌وتوون و به‌گوێره‌ی ڕاپۆرته‌كان سامانی هه‌مویان به‌یه‌كه‌وه 884 ملیار دۆلاری ئه‌مه‌ریكیه.
پاش چوار ساڵ بۆ جاری دووه‌م دۆناڵد تره‌مپ بوو به سه‌رۆكی هه‌ڵبژێردراوی ئه‌مه‌ریكا، له‌میانی گوتاره‌كه‌یدا تره‌مپ وتویه‌تی" ڕێگه ناده‌م هیچ كه‌سێك زیان به ئه‌مه‌ریكا بگه‌یه‌نێت، له‌ئێستاوه وڵاته‌كه‌مان دوباره ده‌گه‌شێته‌وه و ڕێزلێگیراو ده‌بێت"
PM:02:44:21/01/2025
ئه‌م بابه‌ته 608
جار خوێنراوه‌ته‌وه