به‌گوێره‌ی‌ بابه‌تێك گۆڤاری "Metro" ی به‌ریتانی بڵاویكردۆته‌وه‌ تیایدا وێنه‌ی‌ ئه‌م خانوه‌ بڵاوكراوه‌ته‌وه‌ باس له‌وه‌ كراوه‌ خانوه‌كه‌ كه‌وتۆته‌ ناوچه‌یه‌كه‌وه‌ ژماره‌ی‌ دانیشتوان تیایدا سفره‌، به‌تایبه‌ت بۆ ئه‌و كه‌سانه‌یه‌ كه‌ ئاره‌زوی ته‌نهای ده‌كه‌ن.

دورگه‌ی‌ ئه‌لیدای ئه‌م خانوه‌ گرتۆته‌ باوه‌ش ده‌كه‌وێته‌ باشوری ئایسله‌ندا، به‌شێكه‌ له‌و 18 دورگه‌یه‌ی‌ كۆی دانیشتوانه‌كه‌یا 4414 كه‌سه‌، ئه‌م خانوه‌ ماوه‌ی‌ چه‌ندین ساڵه‌ چۆڵه‌ و كه‌س تیایدا ناژی.

ئه‌وه‌ی‌ به‌رده‌وام جێگه‌ی‌ پرسیاره‌ سه‌باره‌ت به‌م خانوه‌ ئه‌وه‌یه‌"خانویه‌كی نمونه‌ی‌ به‌و جۆره‌ چۆن دروستكراوه‌؟ كێ دروستی كردوه‌؟ بۆچی چۆڵكراوه‌؟ وه‌ڵامه‌كه‌ش ئه‌وه‌یه‌ كه‌سێك كه‌ له‌كۆمه‌ڵه‌ی‌ ڕاوچیه‌كانی ئه‌لیدای بوه‌ و ویستی ئه‌وه‌ی‌ هه‌بوه‌ به‌ ته‌نها بژی ئه‌م خانوه‌ی‌ دروستكردوه‌ له‌ ساڵانی 50 كانی سه‌ده‌ی‌ ڕابردوو بۆ ئه‌وه‌ی‌ جێگایه‌ك بێت بۆ ڕاوچیه‌كان به‌تایبه‌ت ئه‌وانه‌ی‌ ڕاوی باڵنده‌ی‌ بفن ده‌كه‌ن"

ئه‌گه‌رچی ئه‌م خانوه‌ یه‌كێكه‌ له‌ ته‌نهاترین جێگاكانی جیهان به‌ڵام بێ میوان نه‌بوه‌ و ساڵی 2021 یوتیوبه‌رێك به‌ناوی ریان تراهان ماوه‌ی‌ 24 كاتژمێر له‌م خانوه‌دا ماوه‌ته‌وه‌ و ڤیدیۆی تۆماركردوه‌.