به‌گوێره‌ی‌ هه‌واڵێك ئاژانسی"فرانس پرێس" بڵاویكردۆته‌وه‌ سه‌رۆكی گوندی كۆلۆنۆس ی بچووك له‌ ناوچه‌ی‌"نۆرماندی" ی فه‌ڕه‌نسا توڕه‌ی‌ خۆی له‌و بارانبارینه‌ی‌ ئه‌م دواییانه‌ی‌ ناوچه‌كه‌ی‌ ئاڕاسته‌ی‌ پیاوانی ئاینی كردوه‌ و فه‌رمانده‌كات خۆر ده‌ركه‌وێت و گه‌رمی ببێته‌وه‌ و ئه‌م به‌رپرسه‌ تایبه‌ت به‌ ئاژانسه‌ فه‌ڕه‌نسیه‌كه‌ وتویه‌تی" پێشتر كه‌شی له‌م جۆره‌م نه‌بینیوه‌ له‌ مانگی یۆلیۆدا، ئێواره‌ی‌ دوێنێ بارانێكی زۆر ده‌باری و ئاسمان خۆڵه‌مێشی بوو ئاستی بینین زۆر كه‌م بوو منیش پێویستم به‌ ڕوناكی هه‌بوو له‌ ماڵه‌كه‌مدا"

سه‌رۆكی ئه‌م گونده‌ كه‌ تیایدا 277 هاوڵاتی ده‌ژین فه‌رمانی ده‌ركردوه‌ له‌ مانگی 8 و 9 و 10 ده‌بێت باران بارین بوه‌ستێت و له‌جێگای ئه‌و تیشكی خۆر و هه‌وایه‌كی فێنك هه‌بێت و داوای كردوه‌ ته‌واوی پیاوانی ئاینی له‌ باكوری فه‌ڕه‌نسا به‌شداربن له‌جێبه‌جێكردنی ئه‌م فه‌رمانه‌.

كۆمه‌ڵه‌ی‌ كه‌شوهه‌وای فه‌ڕه‌نسی هه‌فته‌ی‌ ڕابردوو ئاشكرای كرد ته‌نها مانگی یۆنیۆ %20 باران زیاتر باریوه‌ به‌راورد به‌و بڕه‌ی‌ له‌ساَی 1991 بۆ 2020 له‌و ناوچه‌یه‌ باریوه‌.