سویفت چه‌ند كاتژمێرێك پێش ده‌ستپێكی ئاهه‌نگه‌كه‌ی‌ له‌ڕێی هه‌ژماره‌كه‌ی‌ له‌ ئینستگرام به‌ پۆستێك هه‌واداره‌كانی له‌ دواخستنی كۆنسێرته‌كه‌ی‌ ئاگادار كردۆته‌وه‌ و نوسیویه‌تی" بڕیاری دواخستنی ئاهه‌نگه‌كه‌ی‌ ئه‌مشه‌وماندا به‌هۆی به‌رزی پله‌كانی گه‌رما له‌ ڕیۆ، مه‌به‌ستمان سه‌لامه‌تی ته‌ندروستی هه‌واداره‌كانمانه‌ و ته‌ندروستی ئێوه‌ و تیمی كاركردنی من له‌ ڕیزی پێشه‌وه‌ی‌ گرنگترین مه‌به‌ستی منه‌ و هه‌ر به‌و جۆره‌ش ده‌مێنێته‌وه‌"

هاوكات كۆمپانیا تایبه‌ته‌كه‌ی‌ كاركردنی سویفت ئاشكرای كردوه‌ له‌ ئاهه‌نگه‌كه‌ی‌ پێشوی سویفت كه‌ له‌ ئه‌ستاد نیلتۆن سانتۆس ئه‌نجامدراوه‌، خانمێكی ته‌مه‌ن 23 ساڵ به‌ناوی" ئانا كلارا" توشی گرفتی ته‌ندروستی بووه‌ پاش ئه‌وه‌ی‌ گه‌یه‌ندراوه‌ته‌ نه‌خۆشخانه‌ گیانی له‌ده‌ستداوه‌ و تیمی ته‌ندروستی هه‌رێمی ڕیۆ به‌دوای هۆكاری مردنی ئه‌م خانمه‌دا لێكۆڵینه‌وه‌ ده‌كات به‌ڵام تا ئێستا هۆكاره‌كه‌ی‌ نه‌زانراوه‌.

هه‌ینی ڕابردوو ڕیۆدی جانیرۆ به‌رزترین پله‌ی‌ گه‌رما و شێی تیادا تۆماركراوه‌ ئه‌ویش 59.3 پله‌ی‌ سه‌دی بووه‌ و ڕۆژی شه‌ممه‌ پله‌ی‌ گه‌رما بۆته‌ 59.7 پله‌ی‌ سه‌دی.