ڤیدیۆ: چوار ملیۆن هاوڵاتی ئه‌رجه‌نتینی به‌یه‌كه‌وه ئاهه‌نگیان گێڕا
وێستگە ستایل-
پاش بردنه‌وه‌ی جامی جیهانی قه‌ته‌ر 2022 له‌لایه‌ن هه‌ڵبژارده‌ی ئه‌رجه‌نتینه‌وه زیاتر له 4 ملیۆن هاوڵاتی له گۆڕه‌پانی "بۆینس ئایرس" كۆبونه‌وه بۆ ئه‌وه‌ی بۆ ڕۆژی سێهه‌م و كۆتایی ئاهه‌نگی خۆیان به‌و بۆنه‌یه‌وه بگێڕن.
به‌هۆی ئه‌و قه‌ره‌باڵغیه زۆره‌ی هاوڵاتیان دروستیانكرد ئاسته‌نگ بۆ ده‌زگاكانی ڕاگه‌یاندنی ناوخۆی ئه‌و وڵاته و ده‌ره‌وه دروستبوو به‌جۆرێك نه‌یان توانیوه وه‌ك پێویست په‌خشی خۆیان بكه‌ن.
به‌هۆی دروستبوونی ئاسته‌نگ بۆ جوڵه‌ی پاسی یاریزانه‌كانی هه‌ڵبژارده‌ی ئه‌رجه‌نتین، حكومه‌تی ئه‌و وڵاته به‌شێوه‌یه‌كی كتوپڕ هه‌لیكۆپته‌ری تایبه‌تی ناردوه بۆ گواستنه‌وه‌ی یاریزانه‌كان بۆ جێگایه‌كی دیكه پاش ئه‌وه‌ی دوو گه‌نج له‌سه‌ر پردێكه‌وه خۆیان هه‌ڵداوه‌نه‌وه ناو پاسی یاریزانه‌كان و یه‌كێكیان له پرده‌كه كه‌وتۆته خواره‌وه بۆ سه‌ر شه‌قامه‌كه.
به‌شێك له ئاژانسه‌كان باس له‌وه ده‌كه‌ن یاریزانه‌كان له ترسی دۆخی ئه‌منی و قه‌ره‌باڵغی هاوڵاتیان بوێری ئه‌وه‌یان نه‌بووه زیاتر له‌ناو خه‌ڵك بمێننه‌وه بۆ ئه‌وه بڕیاریانداوه كۆتایی به ئاهه‌نگه‌كه بهێنن.
AM:11:37:21/12/2022
ئه‌م بابه‌ته 1180
جار خوێنراوه‌ته‌وه