عه‌شقه‌كه‌ی چارلز و كامیلا براوه بوو
وێستگە ستایل-
شازاده چارلز وه‌ك جێنشینی یه‌كه‌می شاژنه ئه‌لیزابێس"شاژنی به‌ریتانیا"، خه‌ڵاتی ڕێزلێنانی به‌خشیه دایكی چونكه ماوه‌ی 70 ساڵه وه‌ك ئافره‌تێكی به‌هێز سیستمی شاهانه‌ی وڵاتی به‌ریتانیا به‌ڕێوه ده‌بات، یه‌كه‌مین ئافره‌ته ئه‌و ماوه زۆره له ده‌سه‌ڵاتدا بمێنێته‌وه.
ئه‌و كاته‌ی چارلز ده‌بێته پاشای وڵات و جێگره‌وه‌ی دایكی، ئه‌وه كامیلای هاوسه‌ری ده‌بێته شاژن، به‌ڵام تا ئێستاش ڕێژه‌یه‌كی زۆر له به‌ریتانیه‌كان لۆمه‌ی ده‌كه‌ن و خۆشحاڵ نین كامیلا ببێته شاژنی وڵاته‌كه‌یان چونكه وه‌ك هۆكارێك بۆ جیابوونه‌وه‌ی چارلز و دیانای كۆچیكردو هاوسه‌ری یه‌كه‌می چارلز باسیده‌كه‌ن.
دیانا هاوسه‌ری یه‌كه‌می چارلز له‌لایه‌ن دامه‌زراوه‌ی شاهانه له كاتی خۆیدا توندو تیژانه ڕه‌فتاری له‌گه‌ڵدا كراوه، به‌رهه‌می هاوسه‌رگیریه‌كه دوو كوڕ بووه به‌ڵام پاش چه‌ند ساڵێك چارلز گه‌ڕاوه‌ته‌وه لای خۆشه‌ویستی یه‌كه‌می" كامیلا" كه به‌هۆی ئه‌وه‌ی له‌كاتی خۆیدا هاوسه‌ری هه‌بووه سیستمی شاهانه رێگه‌ی نه‌داوه هاوسه‌رگیری له‌گه‌ڵدا بكات به‌ڵام په‌یوه‌ندی به‌رده‌وامی نێوان چارلز و كامیلا هۆكار بووه بۆ جیابونه‌وه‌ی دیانا و چارلز ، پاش مردنی دیانا به‌ڕووداوی هاتوچۆ كامیلا و چارلز هاوسه‌رگیریان كرد، وه‌ك دوو عاشق دوباره به‌یه‌كه‌وه كۆبونه‌وه.
PM:04:14:08/02/2022
ئه‌م بابه‌ته 2092
جار خوێنراوه‌ته‌وه