وتەبێژی وەزارەتی پەروەردە: دەوامی قوتابخانەکان بۆ مانگی رەمەزان کەمدەکرێتەوە
وێستگەنیوز_
وەزارەتی پەروەردەی حکومەتی هەرێمی کوردستان رایگەیاند، تەنها بۆ مانگی رەمەزان ماوەی هەر وانەیەک لە قوتابخانەکان پێنج خولەک کەمدەکرێتەوە.
ئەمڕۆ چوارشەممە 22ـی ئاداری 2023، سامان سیوەیلی، وتەبێژی وەزارەتی پەروەردەی حکومەتی هەرێمی کوردستان لە راگەیەندراوێکردا ئاشکرایکرد، 'تەنها بۆ مانگی رەمەزان' ماوەی هەر وانەیەک لە قوتابخانەکان پێنج خولەک کەمدەکرێتەوە.
ئاماژە بەوەشکراوە، مامۆستایان بۆیان هەیە تەنها ئەو کاتانە لە قوتابخانە بن کە وانەیان هەیە، ئەوکاتانەی کە وانەیان نییە بونیان لە قوتابخانە ئیلزامی نابێت.
ئەوەش خراوەتەڕوو، خشتەی وانەکانی هەفتەی خوێندن نابێت هیچ گۆرانکارییەکی تێدا بکرێت لەلایەن دەستەی کارگێڕی ناوەندەکانی خوێندنەوە.
دەقی راگەیەندراوەکەی وەزارەتی پەروەردەی حکومەتی هەرێمی کوردستان:
پیرۆزبایی هاتنی مانگی ڕەمەزانتتان لێدەکەین ، دەوامی مامۆستایان لەناو ناوەندەکانی خوێندنی پەروەردە ، لە مانگی ڕەمەزانی پیرۆزدا، بەم جۆرە دەبێت :
1- هەر وانەیەک 5 خولەک کەمدەکرێتەوە.
2- مامۆستایان بۆیان هەیە تەنها ئەو کاتانە لە قوتابخانە بن کە وانەیان هەیە ، ئەوکاتانەی کە وانەیان نییە بونیان لە قوتابخانە ئیلزامی نابێت.
3- خشتەی وانەکانی هەفتەی خوێندن نابێت هیچ گۆرانکارییەکی تێدا بکرێت لەلایەن دەستەی کارگێڕی ناوەندەکانی خوێندنەوە.
PM:02:09:22/03/2023
ئه‌م بابه‌ته 2340
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت