چوارچێوەی هەماهەنگی: هێرشەکانی ئەمریکا دەرگا بۆ وەڵامەکانی ئێمە دەکاتەوە
بەشێک لەلایەنەکانی ناو چواچێوەی هەماهەنگی شیعەکانی عێراق. وێنە: ئەرشیڤ
وێستگهنیوزـ
چوارچێوەی هەماهەنگی شیعەکان رایگهیاند، بەئامانجگرتنی ئەبوباقر ئەلساعدی دوژمنایەتییە و لەگەڵ ئەرکە تایبەتەکانی هێزەکانی هاوپەیمانان یەکدەگرێتەوە، هۆشداریش دەدات هێرشەکان دەرگا بۆ وەڵامەکانی ئەوان دەکاتەوە.
چوارچێوەی هەماهەنگی شیعەکان لە بەیاننامەیەکدا ئهمڕۆ پێنجشهممه 8ی شوباتی 2024، رایگهیاند: هێرشە دوبارەکانی ئەمریکا بۆسەر سەروەری عێراق، بەزاندی هێڵە سورەکانی بە ئامانگرتنی هێزە فەرمییەکانە.
چوارچێوهی ههماههنگی باسی لهوهشكردووه، "هێرشەکانی ئەمریکا لە ناوچەیەکی چڕی دانیشتوان دژایەتی و هاوتەریبە لەگەڵ ئەرکە تایبەتەکانی هێزەکانی هاوپەیمانان، بە تۆڵە سەندنەوەیەکی خوێناوی دەزانین بەرامبەر بەو سەرکردانەی رووبەڕووی تیرۆر دەبنەوە".
چوارچێوەی هەماهەنگی هۆشداری دەدات، درێژەدان بەو هێرشانە دەرگای دژە هێرشەکان دەکاتەوە و بابەتەکە هەربەوە کۆتایی نایەت.
داواش دەکات حکومەتی عێراق، بەردەوام بێت لە هەوڵەکانی بۆ کۆتاییهێنان بە ئەرکەکانی هاوپەیمانی نێودەوڵەتی بۆئەوەی کۆتایی بە زنجیرە هێرشەکان بهێنرێت و پارێزگاری لە سەلامەتی و ئاسایشی هاووڵاتییان بکرێت.
PM:12:44:08/02/2024
ئهم بابهته 776
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت