کۆبوونەوەی سەرۆکی هەرێمی کوردستان و شاندی ئیمراڵی کۆتاییهات
وێستگەنیوز_
ئەمرۆ دووشەممە 17ـی 2ـی 2025، شاندی ئیمراڵی رایگەیاند، "لەگەڵ نێچیرڤان بارزانی کۆبوونەوەیەکی برایەنەمان ئەنجامدا."
شاندی ئیمراڵی لە درێژەی کۆبوونەوەکانیان لە بارەی پرۆسەی ئاشتی، ئەمرۆ گەیشتە سەرۆکایەتی هەرێمی کوردستان و لەگەڵ نێچیرڤان بارزانی، سەرۆکی هەرێمی کوردستان کۆبوونەوە.
پاش کۆبوونەوەکە، شاندی ئیمراڵی رایگەیاند، "لەگەڵ نێچیرڤان بارزانی کۆبوونەوەیەکی برایانەمان ئەنجامدا، رێز و سڵاوی بەرێز عەبدوڵڵا ئۆجەلانمان پێ راگەیاند".
ئاماژەی بەوەشکرد، "نێچیرڤان بارزانی پشتگیرییەکی گەورە بە پرۆسەی ئاشتی دەدات و هەموو هەوڵێک بۆ سەرخستنی پرۆسەکە دەدات."
جەختیشی کردەوە کە، "هەوڵ و پشتگیرییەکانی سەرۆکی هەرێمی کوردستان گرنگن و جێگەی بایەخە، گەلی کورد پێویستییان بە برایەتی و یەکریزی هەیە."
بڕیارە هەر ئەمرۆ، شاندی ئیمراڵی سەردانی سلێمانی دەکات و لەگەڵ بافڵ تاڵەبانی، سەرۆکی یەکێتیی نیشتیمانیی کوردستان و قوباد تاڵەبانی، جێگری سەرۆک وەزیرانی هەرێمی کوردستان کۆدەبێتەوە.
AM:11:27:17/02/2025
ئه‌م بابه‌ته 376
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت