جوڵانهوهی نهوهی نوێ پشتیوانیی خۆی بۆ تهڤگهری ئازادی راگهیاند
وێستگه نیوزـ
جوڵانەوەی نەوەی نوێ دژایهتیی ۆ بێبەشکردنی تەڤگەری ئازادی لە هەڵبژاردنەکانی ههرێمی کوردستان دهكات و پشتیوانیی خۆشی بۆ تهڤگهری ئازادی راگهیاند.
لە راگەیەندراوێکدا كه ئهمڕۆ دووشهممه 16ی تهمموزی 2018 بڵایكردوهتهوه، جوڵانەوەی نەوەی نوێ رایگهیاندوه دژی ئەو بریارەی کۆمسیۆنی باڵای سەربەخۆی هەڵبژاردن و ڕاپرسی کوردستانە کە بڕیاریداوە ڕێگە بە تەڤگەری ئازادی کوردستان نەدرێت لە هەڵبژاردنی پەرلەمانی کوردستان بەشداری بکات.
ڕاشیگەیاندووە، "ئێمە وەک جوڵانەوەی نەوەی نوێ دژی بەسیاسیکردنی کارەکانی کۆمسیۆنین لە دژی هەر حیزب و گروپێک کە بیەوێت بەشداری پرۆسەی دیموکراسی بکات لە کوردستان".
جوڵانهوهی نهوهی نوێ ئاماژەی بەوەش کردووە، هیوادارن کۆمسیۆن و دادگاکانی هەرێمی کوردستان نەچنە ژێرباری هیچ فشارێکی ناوخۆیی و دەرەکی بۆ بێبەشکردنی هیچ هێزێکی سیاسی چونکە هەر هەوڵێک بۆ بەرتەسکردنەوەی کێبڕکێی دیموکراسی لە کوردستان دەبێتە هۆی دروستبونی ناڕەزایی زیاتر و بێ هیوایی.
نهوهی نوێ ڕاشیگەیاندووە، "لەم سۆنگەیەوە، پشتیوانی خۆمان بۆ تەڤگەری ئازادی دەردەبڕین کە هێزێکی سیاسی مۆڵەتپێدراوە لە عێراق و مافی خۆیەتی بەشداری هەڵبژاردنەکان بکات وەک هەر هێزێکی تر".
PM:03:33:16/07/2018
ئهم بابهته 2100
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت