نەبوونی نهێنی پارێزی (فەیرۆز ئازاد)ی بە کوشتدا!
بەهار مونزیر
کاتێك کێشەی نەزانی بەڕێوبردنی دۆسیەی توندوتیژی و نەزانی میدیا دەبێتە هۆکاری ژیان لێسەندنەوەی خاوەن کێشەکە ئەمە ئەنجامەکە دەبێت.
لە دۆسیەی فیروزدا بەتەواوی دەرکەوت، بەجیا لەهەر کێشەیەکی گشتی کە هەیە و باسی دەکەین کێشەی ئەزموون و توانانی، کێشەی نەبوونی خزمەتگوزاری بەڕێوبردنی دۆسیە بوونی هەیە. من تیشک دەخەمە سەر دوو کەمتەرخەمی بەرچاو کەپێموایە بە هۆکاری هەڵەشەیەوە لە پەلە کردن لە ڕۆماڵی میدیای وسۆشیاڵ میدیا.
هەر کەسێك کاری بەڕێوبردنی دۆسیە بکات و دۆسیەی بەڕێوەبردبیت، یاخود وەرگێڕ بیت یاخود، کارمەندی مەیدانی بێت و لەگەڵ دۆسیەکانی توندوتیژی، یاخود لەگەڵ گەنجاندا کاربکات دەزانێت ئەوە ئەلفوبای کارەکەیەتی کە پێش هەر شتێك یاخود کەسەکە هەر کەسێکە ئەرکیەتی نهینی پارێزبیت وە ئەمە لە بازنەی بەڕیوەبردنی دۆسیەدا چەندین ڕاهینانی تایبەت هەیە لەسەری، بەداخەوە لەم دۆسیەیەدا نەك نهێنی دۆسیەکە نەپاریزرا بەلكۆ لە ماوەیەکی زۆر کەمدا بڵاوبویەوە کە فەیروز دەستدرێژی کراوەتەسەری، لەکاتێدا هەر ئەوەی ئەم بابەتە بوە مانشیت ئەو کات خەتەرەکە لەسەر ژیانی دروستبوو، وە کەناڵەکانی ڕاگەیاندن زوو بونە شەیتانی گیان کێشانی ئەم کچە گەنجە، دۆسیەی دەستدریژی سێکسی ئەوەندە دەبێت پاریزراو بێت نابیت کەس بیزانیت نەك میدیاکاریك کە ئەلفوبی ئەم بابەتانە نازانێت، وە بە مەبەست بۆ (زیادبوونی بینەر) تیشك دەخاتە سەر دەستدڕیژیەکە نەك پاراستنی ئەم کچە گەنجە لە چاوی بکوژەکانی.
خاڵێکی دیکە چ خێر بوو ئەم دوو تۆمەتبارە تیك تۆك چیە وا زوو ئازادکران، وە هەر هەمان سات باوك و برای ئەم کچە گەنجەیان خەڵتانی خوێن کرد. ئەمەی دەگوزەریت بەجیا لە کەمی هۆشیاری بۆ کارمەندان و دامودەزگاکانی حکومەت، کە پێوستی تەواو هەیە بۆ بەداواچون و دەست بەچی کارکردن و دوورخستنەوەی ئەم کچە گەنجانە لەو خەتەرەی لەسەر ژیانیان دروست دەبێت. ڕێکخراوەکان لە بەڕیوبردنی دۆسیەکاندا دەقیقترن وە هەستیارانە مامەڵە دەکەن بەو توانا زۆر سنوردارەی کە هەیە لەبەردەستیاندا، بۆیە ئەم دۆسیەیە پیویستە دراسە بکرێت و حکومەت و دامودەزگاکانی ڕاهێنان بکەن لەسەر بەڕیوبردنی دۆسیەی توندوتیژی بۆ ژنان و گەنجان پێوستە ئەم لافاوی نەزانیە بوەستێدریت، تاکۆ لەبەر نەپاراستنی نهینی دۆسیەکان نەی‌یتە لێسەندنەوەی ژیانی گەنجانی ئەم هەرێمە... لە سەرو هەموو ئەمانەوە رۆژانە پیاوسالاری و ژننەفرەتی لەم کۆمەلگایەدا چەقۆی مەرگی کچان تیژدەکەنەوە.... هۆکاری کوشتنی ناموسی جیاوازە لە کوشتنی کەسێکی دیە بە هۆکاری دیکە، واتە پرسیارەکە ئەوەیە ئایا ئەگەر ئەو شەوە فیروز دەستدڕیژی نەکرایە سەری و فڕینەدایەتە خوارەوە دەکوژرا، یان ئەگەرێکی دیکە! ئایا ئەگەر دۆسیەی دەستدرێژیەکە ئاشکرا نەبوایە ئایا فیروز دەکوژرا؟ ئایا ئەگەر ئەو دوو تۆمەتبارە لە سۆشیاڵ میدیا پۆستیان لەسەر ئازادبوونیان نەکردبا فیروز دەکوژرا ؟ هەموو ئەمانە پرسیارن. هەموو کۆمەلگا بەرپرسە لە پاراستنی گەنجانی ولات. بەڕای من زۆر گرنگە ئەم بابەتە لەسەری بڕۆین ئەم کارانە بکرێت: یەکەم هیچ میدیایەك بابەتی توندوتیژی بە نەزانی ڕۆماڵ نەکات، ئەگەر هاتوو کردی لێپێچینەوەیان لەگەڵ بکرێت دووهەم : هەر پۆستێك لە سۆشیاڵ میدیا بڵاوبیتەوە و خاوەنی دیار بێت پێوئستە پۆلیس لێبیتە دەنگ ( جار هەیە کەسانێك بە ئاکاونتی زۆر ئاشکراوە هەڕەشەی کوشتن دەکەن) بۆ وادەکەن ؟ من پیم وایە لەبەر ئەوەیە کە ئەم هەڕەشانەش جدی وەرناگیریت هەموو ئاکاونتەکانی بلۆك بکەن سێهەم :پێش هەر کەس بەڕیوبەرانی دۆسیەکان تواناییان زیادبکریت و هەستیارانە مامەڵە بکەن، وە لەکاتی هەر روداویکدا ئامادە بن و رێگە نەدەن زانیاری لە میدیاکان ڕۆماڵ بکرێت .
PM:12:29:19/04/2024
ئه‌م بابه‌ته 1264
جار خوێنراوه‌ته‌وه
هەموو وتارەکان کاتێک لە وێستگە نیوز بڵاودەبێتەوە تەنها بیروبۆچونی خاوەنەکانێتی