ده‌ست به دابه‌شكردنی نه‌وت به‌سه‌ر ماڵاندا ده‌كرێت
وێستگه‌نیوز-
وه‌زاره‌تی سامانه سروشتییه‌كانی حكومه‌تی هه‌رێمی كوردستان ده‌ستكردن به دابه‌شكردنی نه‌وتی به‌سه‌ر ماڵاندا راگه‌یاند، ئاماژه‌شی به‌وه‌دا كه 200 لیتر نه‌وتی سپی به نرخی 100 هه‌زار دینار ده‌درێته هه‌ر خێزانێك.
ئه‌مڕۆ چوارشه‌ممه 11ی ئه‌یلولی 2024 وه‌زاره‌تی سامانه سروشتییه‌كان بڵاویكرده‌وه كه كه‌مال محه‌مه‌د ساڵح وه‌زیری سامانه سروشتییه‌كان له فه‌رمانێكی وه‌زاریدا، بڕیاریدا نه‌وتی سپی به نرخی پاڵپشتیكراو به‌سه‌ر هاووڵاتییان له‌پارێزگاكان و ئیداره سه‌ربه‌خۆكان دابه‌ش بكرێت.
ئاماژه‌شی به‌وه‌دا كه دابینكردنی 200 لیتر نه‌وتی سپی بۆ هه‌ر خێزانێك به نرخی 100 هه‌زار دیناره و سه‌ره‌تا له رۆژی (2024/9/12) له ناوچه شاخاوییه‌كان ده‌ست به دابه‌شكردنه‌كه ده‌كرێت.
وه‌زاره‌تی سامانه سروشتییه‌كان ئه‌وه‌شی خستووه‌ته‌ڕوو كه "چوار هه‌زار دینار وه‌ك كرێی گواستنه‌وه وه‌رده‌گیرێت".
راشیگه‌یاندووه كه پاراستنی كوالێتی نه‌وته‌كه به هه‌ماهه‌نگی له‌گه‌ڵ لیژنه‌ی چاودێریی كوالێتی ده‌بێت.
PM:04:52:11/09/2024
ئه‌م بابه‌ته 480
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت