وادەی دەستپێکردنی ساڵی نوێی خوێندن دیاری کرا

وێستگه‌نیوزـ

وەزارەتی پەروەردەی هەرێم لە کۆبوونەوەی ئەمڕۆیدا 25ـی ئه‌یلولی 2024ی وەک یەکەم رۆژی دەوامی قوتابخانەکان بۆ ساڵی خوێندنی 2024- 2025 دیاری کرد.

ئەمڕۆ پێنجشەممە 5ی ئه‌یلولی 2024، سامان سیوەیلی، وتەبێژی وەزارەتی پەروەردەی حکومەتی هەرێم رایگەیاند، وەزارەتی پەروەردە ئەمڕۆ کۆبوونەوەی بۆ دیاریکردنی یەکەم رۆژی دەستپێکی ساڵی نوێی خوێندن ئەنجامدا.

ئاماژەی بەوەش کرد، لە کۆبوونەوەکەدا بڕیاردرا بە دایاریکردنی رۆژی 25ـی ئەیلول وەک یەکەم رۆژی دەستپێکی ساڵی نوێی خوێندنی 2024-2025.

ساڵی رابردوو، 13ی ئەیلوول وەک یەکەم رۆژی دەستپێکی خوێندن لە هەرێم دیاریکرابوو، بەڵام لە هەریەک لە سلێمانی و هەڵەبجە و کۆیە و ئیدارەی سەربەخۆی گەرمیان و راپەڕین مامۆستایان بەهۆی دواکەوتن و پێنەدانی مووچەکانیان نەچوونە هۆڵەکانی خوێندن بۆ وانە وتنەوە.

PM:01:58:05/09/2024

ئه‌م بابه‌ته 356 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت