سەرۆك كۆماری عێراق: چیتر مانەوەی كامپەكان گونجاو نییە


وێستگه‌ نیوزـ

له‌میانی پێشوازیكردنی له‌ وەزیری كۆچ و كۆچبەران، سه‌رۆك كۆماری عێراق تاوتوێ بارودۆخی ئاوارەكان و داخستنی كامپەكانیان كر و ڕایگەیاند، چیتر مانەوەی كامپەكان بەهیچ شێوەیەك گونجاو نییە، وتیشی‌، پێویستە هەوڵەكانی هەرێم و بەغدا بۆ ئەم پرسە یەكبخرێت.

نووسینگەی ڕاگەیاندنی سەرۆك كۆماری عێراق لە بارەی ناوەڕۆكی كۆبوونەوەی لەتیف ڕەشید و ئیڤان فایەق جابرۆ وەزیری كۆچ و كۆچبەران ڕاگەیاندراوێكی بڵاوكردەوەو ده‌ڵێت: له‌و كۆبونه‌وه‌یه‌دا كه‌ ئه‌مرۆ سێشه‌ممه‌ سازكراوه‌، جەخت لەسەر پێویستی دابینكردنی ژینگەیەكی گونجاو و گەرەنتی گەڕانەوەی سەلامەت بۆ ئاوارەكان كرایەوە، سەرۆک کۆماری‌ عێراق ڕایگەیاندووە، چیتر مانەوەی‌ ئاوارەكان لە كامپەكان بەهیچ شێوەیەك گونجاو نییە.

به‌پێی راگه‌یه‌ندراوه‌كه‌، سه‌رۆك كۆماری عێراق وتویەتی‌، پێویستە هەوڵەكانی هەرێم و بەغدا بۆ ئەم پرسە و داخستنی‌ كامپەكان یەكبخرێت، لە هەمانکاتیشدا پێویستە ڕێكخراوەكانی نەتەوە یەكگرتووەكان ئەركەكانی خۆی بە شێوەیەكی ئەرێنی جێبەجێ بكات بۆ داخستنی كامپەكان.

هه‌ر لە کۆبونەوەکەدا وەزیری كۆچبەران ڕایگەیاندوه‌: هەوڵەكانیان بۆ گەڕانەوەی ئاوارەكان بەردەوامە و بۆ ئەو مەبەستەش بەردەوامن لە دابینكردنی پێداویستییەكانی ژیانێكی شایستە بۆ ئاوارەكان.


PM:03:18:09/07/2024


ئه‌م بابه‌ته 908 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

هەواڵی پەیوەندیدار

زۆرترین خوێندراو