تەرمی هاوڵاتییەک لە شەمامی مەولەوی شاری سلێمانی دۆزرایەوە

وێستگه‌ نیوز ـ

سامان نادر، به‌ڕێوه‌به‌ری سه‌نته‌ری فریاگوزاری خێرا له‌ نه‌خۆشخانه‌ی شار له‌ سلێمانی به‌ وێستگه‌ نیوزی راگه‌یاند: ئه‌م به‌یانیه‌ ته‌رمی هاوڵاتیه‌كی ته‌مه‌ن 65 ساڵ له‌ شه‌قامی مه‌وله‌وی شاری سلێمانی دۆزراوه‌ته‌وه‌.

وتیشی: "به‌پێی لێكۆڵینه‌وه‌ سه‌ره‌تاییه‌كان ئه‌و هاوڵاتیه‌ له‌ سه‌رمان ره‌ق بووه‌ته‌وه‌".

باسی له‌وه‌شكرد: ته‌رمه‌كه‌ی ره‌وانه‌ی پشكی دادوه‌ری كراوه‌ بۆ لێكۆڵینه‌وه‌ی زیاتر له‌سه‌ر هۆكاری گیان له‌ ده‌ستدانه‌كه‌ی.

له‌ لایه‌كی دیكه‌وه‌ هۆگر عه‌زیز، وته‌بێژی پۆلیسی هه‌ولێر له‌ راگه‌یه‌ندراوێكدا رایگه‌یاندووه‌: شەوی رابردوو ھێزەکانیان ئاگادار کرانەوە کە کەسێک لە شەقامی کۆرنیش نزیک بەنزینخانەی سیڤەر لە نێو ئۆتۆمبێلی جۆری کیا بارھەلگر گیانی لەدەست داوە.

باسی له‌وه‌شكردووه‌: دەستبەجێ ھێزەکانیان لە بەرێوەبەرایەتی پۆلیسی پارێزگای ھەولێر گەیشتنە شوێنی مەبەست و دەستیان بە لێکۆڵینەوە کرد لەدەرئەنجامدا دەرکەوت کە ناوی (دڵشاد قەرەنی عه‌زیز)ە و تەمەنی 58 ساڵە.

هۆگر عه‌زیز ئه‌وه‌شی وتووه‌: تەرمەکەی رەوانەی پزیشکی دادی کراو ھۆکارەکەشی بەھۆی جەڵتەوە گیانی لەدەست داوە و بۆ ئەم مەبەستەش پەراوی لێکۆڵینەوەی بۆ کراوە بۆ وەرگرتنی داواکاری مافی کەسی.

AM:10:18:25/11/2021

ئه‌م بابه‌ته 10108 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت