تاوه‌رێكی دیكه‌ی گواستنه‌وه‌ی كاره‌با له‌نێوان به‌غدا و دیاله‌ ته‌قێندرایه‌وه‌

‌وێنە..گێتی

وێستگه‌ نیوزـ

وه‌زاره‌تی كاره‌بای عێراق ئاشكرایكرد كه‌ ئه‌مڕۆ هه‌ینی تاوه‌رێكی گواستنه‌وه‌ی كاره‌با له‌ نێوان هه‌ردوو پارێزگای به‌غدا و دیاله‌ ته‌قێندراوه‌ته‌وه‌.

جۆین بە لەگەڵ هەواڵە بەپەلەکانی وێستگەنیوز لەتیلیگرام

وه‌زاره‌تی كاره‌بای عێراق له‌ به‌یاننامه‌یه‌كدا ئه‌مڕۆ هه‌ینی 30ی ته‌مموزی 2021 رایگه‌یاندووه‌ كه‌ تاوه‌ره‌كه‌ تایبه‌ت بووه‌ به‌ گواستنه‌وه‌ی كاره‌با له‌ هێڵی دیاله‌-خۆرهه‌ڵاتی به‌غدا و به‌ بۆمبی ته‌وقیتكراو زیانی پێگه‌یه‌ندراوه‌.

تاوه‌ره‌كه‌ ژماره‌ 48ی سه‌ربه‌ هێڵی كاره‌بای 400 كه‌ی ڤی بووه‌ له‌ ناوچه‌ی هاشمییان له‌ پارێزگای دیاله‌ ته‌قێندراوه‌ته‌وه‌.

گروپه‌ چه‌كداره‌كان به‌تایبه‌ت رێكخراوی داعش ستراتیژی هێرشه‌كانیان گۆڕیووه‌ و زۆرجار په‌نا بۆ په‌كخستنی خزمه‌تگوزارییه‌ پێویسته‌كان ده‌به‌ن و له‌و رێگه‌یه‌وه‌ رقی هاوڵاتیان له‌ حكومه‌ت ئه‌ستورتر ده‌كه‌ن.


PM:09:22:30/07/2021


ئه‌م بابه‌ته 776 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت

هەواڵی پەیوەندیدار

زۆرترین خوێندراو